بە فەرمی یانەی پاریس سانجێرمان دوورخستنەوەی تۆخێلی راگەیاند

0
264
تۆماس تۆخێل

SNN Sport

نیوەڕۆی ئەمڕۆ یانەی پاریس سانجێرمانی فەرەنسی دوورخستنەوەی تۆماس تۆخێلی ئەڵمانی و راهێنەری یانەکەی راگەیاند.

یانەکە لەبەیاننامەیەکدا رایگەیاندووە، پاش شیکردنەوەیەکی قوڵ بۆ بارودۆخی وەرزشی یانەی پاریس سانجێرمان، بڕیاردراوە بە کۆتاهێنانی گرێبەستەکەی تۆماس تۆخێلی راهێنەر.

تۆخێل لە مانگی تەمووزی 2018وە 127 یاری لەگەڵ پاریس سانجێرمان ئەنجامداوە، توانیویەتی 95 یاری بباتەوەو 12 یەکسانبووەو 20 یاریش دۆڕاوە.

یانەکە 342 گۆڵی کردووەو 109 گۆڵیان لێکراوە.

بەمشێوەیە 2 نازناوی خولی فەرەنسای لە 2019-2020 بردووەتەوەو لە یاری کۆتایی خولی یانە پاڵەوانەکانی وەرزی رابردووش بە بایرن میونخ دۆڕا.

ناسر خلێفی خاوەنی یانەکە دەڵێت:” دەمەوێت سوپاسی تۆماس تۆخێل و شاندەکەی بکەم بۆ ئەوەی پێشکەشی یانەکەی کردووە،تۆماس وزەو سۆزێکی زۆری خستە ناو کارەکانیەوە،بێگومان کاتی جوانمان پێکەوە بەسەر بردووە،بە هیواین لە داهاتوودا سەرکەوتوو بێت”.

بە پێی راپۆرتی رۆژنامەکان، پۆچتینۆی راهێنەری پێشووی یانەی تۆتنهام پۆستی مەشق و راهێنانی یانەکە وەردەگرێت و چاوەڕوان دەکرێت لە رۆژانی داهاتوو بە فەرمی گواستنەوەی بۆ یانەکە رابگەیەنرێت.

 

 

بەشی بکە لە
Previous Next
Close
Test Caption
Test Description goes like this