له‌به‌رئه‌وه‌ى كورده‌، داواى لابردنى بەڕێوه‌به‌رى كۆمسیۆنى كه‌ركوك ده‌كرێت

0
149

SNN- سیروان حه‌سه‌ن 

چوار حزبى عه‌ره‌ب و توركمان داواى لابردنى به‌ڕێوه‌به‌رى نووسینگه‌ى كۆمسیۆنى باڵاى هه‌ڵبژاردنه‌كان له‌ كه‌ركوك ده‌كه‌ن و تۆمه‌تبارى ده‌كه‌ن به‌وه‌ى ساخته‌كارى كردووه‌، ئه‌ندامێكى په‌رله‌مانیش ده‌ڵێت “كه‌سێكى سه‌ركه‌وتووه‌ و ته‌نها له‌به‌رئه‌وه‌ى كورده‌ داواى لابردنى ده‌كرێت“.

جه‌مال شكور ئه‌ندامى ئه‌نجوومه‌نى نوێنه‌رانى عێراق به‌ SNNى راگه‌یاند “به‌ڕێوه‌به‌رى نووسینگه‌ى كه‌ركوكى كۆمسیۆنى باڵاى هه‌ڵبژاردنه‌كان به‌پێى سی ڤى و له‌سه‌ر پشكى كورد به‌شێوه‌یه‌كى یاسایى دانراوه‌ و كه‌سێكى سه‌ركه‌وتووشه‌ له‌ كاره‌كانیدا”.

وتیشى: “هه‌رچه‌نده‌ پێشتریش لایه‌نه‌كان له‌ عه‌ره‌ب و توركمان هه‌وڵى لابردنیان داوه‌، به‌ڵام له‌به‌رئه‌وه‌ى هیچى له‌سه‌ر نییه‌ و كاره‌كانى به‌ باشى ئه‌نجامداوه،‌ ناتوانن لایببه‌ن و ئه‌و لایه‌نانه‌ش بۆیه‌ ده‌یانه‌وێت لابرێت، ته‌نها له‌سه‌ر ئه‌وه‌یه‌ که‌ كورده”.

دوێنى له‌ كۆنگره‌یه‌كى رۆژنامه‌وانیدا چوار حزبى عه‌ره‌بى و توركمانى كه‌ بریتیبوون له‌ ئه‌نجوومه‌نى عه‌ره‌بى، حزبى عه‌داله‌تى توركمانى، حزبى وه‌فاى توركمانى، به‌ره‌ى توركمانى داوایانكرد سەوسەن تەیب محێدین بەڕێوه‌به‌رى نوێى نووسینگه‌ى كه‌ركووكى كۆمسیۆنى باڵاى هه‌ڵبژاردنه‌كان له‌ پۆسته‌كه‌ى دوور بخرێته‌وه‌ و به‌ ئه‌نجامدانى ساخته‌كارى تۆمه‌تباریانكرد.

بەشی بکە لە
Previous Next
Close
Test Caption
Test Description goes like this