فرۆشى دۆلار له بانكى ناوه‌ندى عێراق به‌ڕێژه‌ى 55% دابه‌زیووه
گۆڕینه‌وه‌ى دۆلار به دینار | فۆتۆ: The IQD Team
SNN
فرۆشى دۆلار به‌ڕێژه‌ى 55% له بانكى ناوه‌ندى عێراق كه‌میكردووه، ئه‌مه‌ش له درێژه‌ى ئه‌و دابه‌زینه‌ى كه فرۆشى دراوه بیانییه‌كان له بانكى ناوه‌ندى عێراق به‌خۆیه‌وه بینیوویه‌تى له سێ هه‌فته‌ى رابردوودا.
به‌پێى هه‌واڵى میدیاكانى عێراق، “فرۆشى دۆلارى بانكى ناوه‌ندى عێراق دوێنێ سێشه‌ممه كه‌مبووه‌ته‌وه بۆ 15 ملیۆن و 47 هه‌زار و 993 دۆلار، كه ئه‌مه‌ش هاوتایه له‌گه‌ڵ دابه‌زین به‌ڕێژه‌ى 55.89%”.
ئه‌م دابه‌زینه‌ى له فرۆشتنى نرخى دۆلار به به‌راورد به رۆژى دووشه‌ممه به‌شێوه‌یه‌كى به‌رچاوه، چونكه رۆژى دووشه‌ممه 28ى كانونى یه‌كه‌م، فرۆشى دۆلار 34 ملیۆن و 163 هه‌زار و 878 دۆلار بووه”.
زنجیره‌ى دابه‌زینى رۆژانه‌ى فرۆشى دۆلار له بانكى ناوه‌ندى عێراق پاش جێگیركردنى نرخى 100 دۆلار دێت به‌رامبه‌ر 147 هه‌زار دینارى عێراقى.
پەرەپێدراوە و دروستکراوە