بە بڕی 2.6 ملیار دۆلار بەندەری فاوی گەورە چووە بواری جێبەجێکردنەوە

0
343

SNN

حکومەتی عێراق لەگەڵ کۆمپانیای دایۆی کۆری گەیشتە رێککەوتن بۆ دروستکردنی بەندەری فاوی گەورە و چاوەڕێدەکرێت هەزاران هەلی کار لەو پرۆژەیە بڕەخسێت.

وەزارەتی گواستنەوەی عێراق ئەمڕۆ چوارشەممە گرێبەستەکەی راگەیاندووە لەگەڵ کۆمپانیای دایۆی کۆریای باشوور کە جێبەجێکردنی قۆناغی یەکەمی پرۆژەکەیە و بە هەنگاوێکی ستراتیژی دادەنرێت بۆ عێراق.

چاودێرانی ئابووری دەڵین: “پرۆژەکە (بەندەری فاوی گەورە) پرۆژەیەکی ستراتیژی مەزنە و بەهۆیەوە ئەوروپا بە خۆرهەڵاتەوە دەبەستێتەوە لەڕێگەی تورکیاوە”.

 پرۆژەکە خۆی دەبینێتەوە لە دروستکردنی 5 سەکۆی گەورەی ئاویی کە ساڵانە 2-3 ملیۆن کۆنتێنەر لەخۆدەگرێت و هەزاران هەلی کاریش دەڕەخسێنێت.

پرۆژەکە تونێلی ئاوریشمیش لەخۆ دەگرێت لەژێر ئاوی خۆر زوبێر لێدەدرێت، رێگەی فاو بۆ ئوم قەسر کە رێگەیەکی نێودەوڵەتییە، بۆ هاموشۆی بازرگانی و وشکانیی و ئاوی بەکاردێت.

وەزارەتی گواستنەوەی عێراق رایگەیاندووە مینای فاوی گەورە پێنج پرۆژەی ستراتیژی لەخۆ دەگرێت کە تێچووی قۆناغی یەکەمی 2.6 ملیار دۆلارە.

بەشی بکە لە
Previous Next
Close
Test Caption
Test Description goes like this