زیاتر لە 250 هەزار ئاوارە عێراقیان جێهێشتووە

0
176

SNN- بڕیار محەمەد

تۆڕی دادپەروەری بۆ پێكهاتەكان لە عێراق لە ئاماری ئەمساڵیدا ئاشكرای دەكات زیاتر لە 200 هەزار لە ئەندامانی پێكهاتەكان بەهۆی خراپی دۆخی ئەمنی عێراق وڵاتیان جێهێشتووە، هەروەها ئەمساڵ 13 حاڵەتی دژایەتی و داگیركردنی زەوی پێكهاتەكان تۆماركراوە.

هۆگر چەتۆ سەرۆكی بۆردی تۆری دادپەروەری بۆ پێكهاتەكان لە عێراق، لە كۆنگرەیەكی رۆژنامەنووسدا رایگەیاند: لە ئێستادا 300 هەزار ئاوارەی پێكهاتەكان ئاوارەی ناو عێراقن و 250 هەزار لەئەندامانی ئەو پێكهاتانە كۆچیان كردووە بۆ دەرەوەی عێراق، بوونی گروپە چەكدارییە ناساییەكان گرفتی دروستكردووە هەروەك ئەوەی لە شنگال 22 لایەن و گروپ هەن كە بۆتە گرفت لەو ناوچەیەدا. هەروەها توركیا و ئێران بە شێوەی فراوان دەستیان لە پێشێلكاری مافەكانی پێكهاتەكاندا هەیە.

وتیشی: رەوشی سیاسی زۆرترین كاریگەری نەرێنی لەسەر پێكهاتەكان هەیە بەتایبەتی جێبەجێ نەكردنی ماددەی 140 كە حكومەتی نایەوێ جێبەجێی بكات و 13 حاڵەتی دژایەتی و داگیركردنی زەوی پێكهاتەكان تۆماركراوە.

ئاماژەی ئەوەشكرد: رێكەوتنی هەولێر و بەغدا لەسەر ئاسایكردنەوەی دۆخی شنگال گرنگە بەڵام هیچ كاتێك بۆ جێبەجێكردنی ئەو ڕێككەوتنە و سزای بۆ تاوانباریش دیاری نەكردووە هەروەها خالێكی خراپی رێكەوتنەكەش بەشداری پێنەكردنی لایەنی دیكەی ئێزدی و پێكهاتەكانە لە ناوچەكەدا، كە ئەمەش رەنگە كێشە بۆ رێكەوتنەكە دروست بكات .

بەشی بکە لە
Previous Next
Close
Test Caption
Test Description goes like this