وەزارەتی پەروەردە چەند بڕیارێکی لەبارەی کرێی خوێندنەوە دەردەکات

0
797
وەزارەتی پەروەردە

وەزارەتی پەروەردەی هەرێمی کوردستان رایدەگەیێنێت، 10% داشکاندن لە کرێی خوێندن بۆ هەموو قوتابییانی قوتابخانە و پەیمانگە ناحکومییەکان بۆ ئەمساڵی خوێندن کردووە.

لە راگەیێندراوێکدا وەزارەتی پەروەردە دەڵێت، پارەی خواردن و گواستنەوە بۆ مانگەکانی ئازار، نیسان و ئایار لە سەرجەم ناوەندەکانی خوێندن وەرناگیرێت و ئەو بڕیارانەش لە بەرژەوەندی گشتی و رەچاوکردنی دۆخی هاونیشتمانییانە.

وەزارەتی پەروەردە ئاماژە بەوەشدەکات، بڕیارەکە ئەو قوتابییانە ناگرێتەوە کە بەخێوکارانیان خاوەنی پلەی باڵا و تایبەتن لە کەرتی حکومی (مەدەنی و سەربازی) چ دایک بێت یان باوک.

هەر بەپێی راگەیێندراوی وەزارەتی پەروەردە، داشکاندنەکان تاوەکو 28-5-2020 کاریان پێدەکرێت.

لە بەشێکی راگەیێندراوەکەی پەروەردەدا هاتووە، هەموو قوتابخانە و پەیمانگەکان پێویستە پابەندبن بە ناوەڕۆکی گرێبەستەکانیان لەگەڵ مامۆستایان و فەرمانبەران و مووچەکانیان بۆ خەرج بکەن وەک ئەوەی لە گرێبەستەکاندا هاتووە، “بەپێچەوانەوە ساڵی داهاتوو مافی وەرگرتنی قوتابییان نابێت”.

بەشی بکە لە
Previous Next
Close
Test Caption
Test Description goes like this