ئاهەنگەکانی شەوی سەری ساڵ لوبنانی نوقمی کۆرۆنا کرد

0
185
SNN
کەرتی تەندروستیی لە لوبنان هۆشداریی دەدات لە نغرۆ بوونی ئەو وڵاتە پاشئەوەی بۆنەکانی سەری ساڵ وای لەنەخۆشخانەکان کردووە چیتر نەتوانێت نەخۆش وەربگرێت بەهۆی زۆریی رێژەی تووشبوون بە کۆرۆنا.
ئاژانسی فڕانس پرێس بڵاویکردووەتەوە “بەترا خوری راوێژکاری حکومەتی کاربەڕێکەر باسی راگەیاندنی کەرەنتینەی گشتیی کردووە لەوڵاتەکەی بۆ ماوەی 3 هەفتە”.
لە مانگی دووی ساڵی پارەوە لە لوبنان چەندینجار کەرەنتینەی گشتیی راگەیەنرا، بەڵام بەهۆی سووککردنی رێوشوێنەکان لە مانگی 11ی پارەوە، تووشبوون بەشێوەیەکی بەرچاو هەڵکشا.
رۆژی پێنجشەممەی رابردوو لوبنان لە یەک رۆژدا 3500 حاڵەتی نوێی تۆمار کرد، بەوەش 183 هەزار و 888 کەس تائێستا تووشبوون کە کۆی دانیشتوانی ئەو وڵاتە 6 ملیۆن کەسە و 1.5 ملیۆنیان ئاوارەن.
سلێمان هارون لە وەزارەتی تەندروستیی لوبنان دەڵێت “ئەو 50 نەخۆشخانەیەی لەوڵآتەکەی بۆ کۆرۆنا دابینکراون، پڕ بوون و چیتر توانای وەرگرتنی تووشبووی نوێی نییە”.
چاوەڕێدەکرێت حکومەتی کاربەڕێکەر بڕیارێک دەر بکات بە راگەیاندنی قەدەغەی هاتووچۆ لە تەواوی لوبنان بۆ ماوەی 3 هەفتە.
بەشی بکە لە
Previous Next
Close
Test Caption
Test Description goes like this