یارییه‌كانی قۆناغی كۆتایی خولی پله یه‌كی عێراق یانه‌كانی كه‌ركوك ده‌ستپێده‌كات
دیمەنێک لە خولی پلە یەکەکانی کەرکوک
حسێن كه‌ركوكی-SNNsport
ئێواره‌ی( شه‌ممه 2/1/2021)ركابه‌رییه‌كانی قۆناغی كۆتایی خولی تۆپی پێی پله یه‌كی عێراق گروپی یانه‌كانی كه‌ركوك به ئه‌نجامدانی دوو یاری ده‌ستپێكرد.
له ركابه‌رییه‌كانی گروپی یه‌كه‌م له سه‌ر یاریگای باباگوڕگوڕ هه‌ردوو یانه‌ی مووسه‌ڵا و دووبز رووبه‌ڕووی یه‌كتربوونه‌وه و یاریه‌كه‌ش به بردنه‌وه‌ی یانه‌ی مووسه‌ڵا به ئه‌نجامی 3-2 گۆڵ ته‌واو بوو.
له هه‌مانكاتدا و له ركابه‌رییه‌كانی گروپی دووه‌م و له سه‌ر یاریگای سۆلاڤی نوێ هه‌ردوو یانه‌ی داقووق و دووز یاری نێوانیان ئه‌نجامدا و یاریەکە به بردنه‌وه‌ی یانه‌ی داقووق به گۆلێکی خاوێن كۆتایی هات.
جێی ئاماژه‌پێكردنه 6 یانه سه‌ركه‌وتن بۆ قۆناغی كۆتایی پاڵاوتنه‌كان و دابه‌شكراون بە سه‌ر دوو گروپ ، گروپی یه‌كه‌م یانه‌كانی ( دووبز و مووسه‌ڵا و حه‌ویجه ) ، گروپی دووه‌میش یانه‌كانی ( شۆریجه ، داقووق ، دووز ) له خۆ ده‌گرێت.
پەرەپێدراوە و دروستکراوە