بەهای نەوت لە بازاڕەکانی وزەدا زیاتر بەرزدەبێتەوە

SNN

نرخی نەوت چەند رۆژێک دەبێت لە بازاڕەکانی جیهاندا لە 51 دۆلاردا ماوەتەوە، بەڵام ئەمڕۆ کەمێک زیاتر بەرزبوونەوەی بەخۆیەوە بینی.

بەیانی ئەمڕۆ نرخی بەرمیلێک نەوتی خاوی برێنت گەیشتە 51 دۆلار و 80 سەنت و هەرچی نەوتی خاوی تێکساسیشە گەیشتە 48 دۆلار و 44 سەنت.

لە ئازاری ساڵی رابردوو نرخی بەرمیلێک نەوت لە بازاڕەکاندا لە 37 دۆلار لەژێر سفرەوە مامەڵەی پێوە دەکرا، ئەویش بەهۆی بڵابوونەوەی کۆرۆنا لە سەرتاسەری جیهاندا و نەمانی خواست لەسەر نەوت.