رێژەی باران بارین بە بەروارد بە ساڵی پار كەمترە

0
580

SNN- بڕیار محەمەد

وتەبێژەی بەڕێوەبەرایەتی گشتی كەشناسی و بوومەلەرزەزانی هەرێمی كوردستان ئاشكرای دەكات ئەمساڵ بەروارد بە پارساڵ و ساڵانی پێشوو رێژەی باران بارین بە شێوەیەكی گشتی كەمەی كردووەتەوە، بەڵام لە هەندێك پارێزگا زیادی كردووە، هەروەها مەترسی وشكە ساڵیش نییە تاوەكو ئێستا.

بژار ئەكرەم، وتەبێژەی بەڕێوەبەرایەتی گشتی كەشناسی و بوومەلەرزەزانی هەرێمی كوردستان بە SNNی راگەیاند: ئەمساڵ بە شێوەیەكەی گشتی رێژەی بارانبارین كەمترە لە هەندێك پارێزگاش باران و بەرفر زیاتر باریوە بە بەراورد بە پارساڵ، تاوەكو ئێستاش هیچ وادەیەكە بۆ شەپۆلی باران بارین دیار نییە.

وتیشی “بەپێی ئەو داتایانەی لای ئێمە هەیە رێژەكە بەم شێوەیە لە هەولێر ئەمساڵ 74 ملیم باران بارین وە بە بەوارد بە پارساڵ 3 پۆینت 7 ملیم باران بارین زیادی كردووە و دهۆك 115 ملیم ئەمساڵ باران بارین كەمتر بووە، سلێمانی 7 ملیم باران بارین كەمتر بووە، بۆیە بە شێوەیەکی گشتی دەتوانین بڵێین ئەمساڵ رێژەی باران بارین كەمترە لە پارساڵ .

لەبارەی ئەگەری وشكەساڵی و ساڵی بێ بارانیشەوە وتەبێژەی كەشناسی ئاماژەی بەوە كرد، تاوەكو ئێستا بۆ بریاردان لەسەرە وشکەساڵی زووە لەبەر ئەوەی ئێمە تازە لە سەرەتایی وەرزی زستانداین و بۆیە ناتوانین بڵێین ئەمساڵ دەبێتە ساڵێكی بێ باران.

بەشی بکە لە
Previous Next
Close
Test Caption
Test Description goes like this