لە رووداوێکی هاتوچۆدا دوو کەس گیانیان لەدەستدا

0
2345

SNN-

هاتوچۆی هەولێر رایدەگەیەنێت: لەڕووداوێكی هاتوچۆدا دوو كەس گیانیان لە دەستداوە و دوای رووداوەكەش شوفێرەكە رایكردووە، بەڵام دواتر دەستگیر كراوە.

فازل حاجی، وتەبێژی هاتوچۆی هەولێر بە SNNی راگەیاند: كاتژمێر 12ی ئه‌مشه‌وی سێشەممە، له‌سه‌ر شه‌قامی 100مه‌تری نزیك ترافیك لایتی عەینكاوه‌ی پێشوو، ئۆتۆمبێلێكی جۆری لاندکرۆزی تایبه‌ت كه‌ گه‌نجێک لێی خوڕیوە و كۆمه‌ڵێك گه‌نجی تری له‌گه‌ڵدابووە، به‌خێراییه‌كی زۆر لێی خوڕیوە كه‌ پێشبینیدەكرێت ‌200كم له‌كاتژمێرێكدا خێرایی بووبێت”.

وتیشی: “بەهۆی خێرایی لێخوڕینەكە كۆنتڕۆڵی خۆی لە دەستداوە و دوو كه‌سی پیاده‌ كە ویستوویانە بپەڕنەوە لە شەقامەكە هەردووكیانی شێلاوە و لاشەكانیان پارچە پارچە بوون و دوای رووداوەكەش شوفێرەكە رایكردووە و خۆی كێشاوە بە سێ ئۆتۆمبێلی تر و زیانی مادی بە هەرسێ ئۆتۆمبێلەكەش گەیاندووە”.

ئاماژەی بەوەشكرد: دوای ئەوەی لێكۆڵینەوە لە رووداوەكە دەستی پێكردووە، تواندرا شوفێری راكردوو دەستگیر بكرێت ئەمە دوای ئەوەی ناوی شوفێرەكە و ژمارەی ئۆتۆمبێلەكە ئاشكرا دەكرێت و دواتر باوكی پەیوەندی بە هێزە ئەمنییەكانەوە كردووە و كوڕەكەی خۆی رادەستی پۆلیس كردووە”.

بەشی بکە لە
Previous Next
Close
Test Caption
Test Description goes like this