ئێران بەرێژەی 21٪ پیتاندنی یۆرانیۆمی دەستپێکردەوە

0
69

SNN
حکومەتی ئێران ئەمڕۆ دووشەممە رایگەیاند “وڵاتەکەی لە وێستگەی فۆردۆی ئەتۆمی پیتاندنی یۆرانیۆمی بە رێژەی 20% دەستپێکردووەتەوە کە پێشتر پەرلەمان ئەو یاسایەی بۆ دەرکردووە”.
عەلی رەبیعی وتەبێژی رەسمی حکومەتی تاران رایگەیاند “حەسەن رۆحانی سەرۆککۆمار فەرمانیکردووە بە دەستپێکردنەوەی پیتاندن بە رێژەی 20٪”.

بەوتەی رەبیعی “رێکخراوی وزەی ئەتۆم پێش چەند کاتژمێرێک دەستی بە کاری پێویست کردووە و غازی بۆ ناو وێستگەکە ناردووە، لە چەند کاتژمێری داهاتوودا یەکەم بڕی غازی UF6بەرهەمدەهێنرێت”.

وتەبێژی حکومەتی ئێران راشیگەیاند “پێشتر لەوبارەیەوە ئاژانسی نێودەوڵەتیی وزەی ئەتۆم-یان ئاگادار کردووەتەوە کە دەستدەکەن بە پیتاندن وەک ئەوەی لە رێککەوتنەکان زامن کراوە”.

عەلی رەبیعی دەشڵێت: “تاران پێیوایە کە بڕیارەکە لە بەرژەوەندیی نییە، بەڵام پەیوەستە بە جێبەجێکردنی وەک یاسایەکی پەرلەمانیی کە پەسەند کراوە”.

رۆژی 30ی تشرینی دووەمی ساڵی پار پەرلەمانی ئێران، رەزامەندی لەسەر پرۆژەیاسای تایبەت بە زیادکردنی بڕی پیتاندنی یۆرانیۆم لە وڵاتەکەی دا، هاوکات ئەندامانی پەرلەمانی وڵاتەکە لێکۆڵینەوە لە ئەگەری راگرتنی پابەندبوونی وڵاتەکەیان بە پەیماننامەی “رێگرتن لە بڵاوبوونەوەی چەکی ئەتۆمی” دەکەن.

بەشی بکە لە
Previous Next
Close
Test Caption
Test Description goes like this