“هه‌ڵوێستى به‌ڕێوه‌به‌رى كۆمپانیاى سۆمۆ ده‌رفه‌تێكى باشه‌ بۆ حكومه‌تى هه‌رێم”

0
558
لۆگۆى حكومه‌تى عێراق و حكومه‌تى هه‌رێم | فۆتۆ: SNN

SNN – عەلی حەمەسەعید
بەڕێوەبەری كۆمپانیای بە بازاڕكردنی نەوتی عێراق (سۆمۆ) لە نوێترین لێدوانيدا ئامادەیی نیشاندا كە نەوتی هەرێم وەربگرن و بیفرۆشن، ئەندامێكی كوردی ئەنجوومەنی نوێنەرانی عێراقیش ده‌ڵێت: “ئەم لێدوانەی بەڕێوەبەری سۆمۆ هیچ بیانوویەكی بۆ حكومەتی هەرێم نەهێشتووەتەوە””.

د. ڕێبوار كەریم، ئەندامی سەربەخۆی كورد لە ئەنجوومەنی نوێنەرانی عێراق بە SNNی راگەیاند: “لە رابردوو و ئێستاشدا هەمیشە ناكۆكی و رێكنەكەوتنی نێوان هەولێر و بەغدا لەسەر مەلەفی نەوت بووە، بەڵام ئێستا دەرفەتێكی زۆر باش بۆ حكومەتی هەرێم هاتووەتە ئاراوە بۆ ئەوەی ئەو بابەتە یەكلایی بكاتەوە و كێشەكان بە یەكجاری چارەسەر بكەن، بە تایبەت لە پرۆژەیاسای بودجە بەڕوونی باس لە چارەسەری ئەو كێشانە كراوە و لە بەرامبەریشدا ماف و شایستە داراییەكانی هەرێم دیاریكراون”.

وتیشى: “لێدوانەكەی بەڕێوەبەری كۆمپانیای سۆمۆ كە رایگەیاند، ئامادەین نەوتی هەرێم وەربگرین و لەڕێگەی كۆمپانیای سۆمۆوە بیفرۆشین زۆر گرنگە، پێویستە حكومەتی هەرێم ژیرانە مامەڵە لەگەڵ ئەم دۆخە نوێیەدا بكات، چونكە ئەم لێدوانە هیچ بیانوویەكی بۆ حكومەتی هەرێم نەهێشتووەتەوە كە بیەوێت رێكنەكەوێت لەگەڵ حكومەتی عێراق له‌سه‌ر پرسى نه‌وت، بۆیە ئێمە هەموو هەوڵێكمان بۆ ئەوەیە پرۆژەیاسای بودجە پەسەندبكرێت و حكومەتی هەرێمیش پابەندبوونی خۆی رابگەیەنێت”.

ئەو ئەندامەی ئەنجوومەنی نوێنەرانی عێراق ئەوەشی خستەڕوو: “ئەگەر حكومەتی هەرێم ئەم دەرفه‌تە لەدەستبدات و نەگەیشتە رێككەوتنى كۆتایی لەگەڵ بەغدا، ئەوا نەهامەتییەكی زۆر گەورە روو لە هاووڵاتییانی هەرێم دەكات كە خەڵكانی هەژار و كەمدەرامەت و فه‌رمانبەران باجەكەی دەدەن”.

بەشی بکە لە
Previous Next
Close
Test Caption
Test Description goes like this