بۆ رێگریکردن لە کۆرۆنای گۆڕاو بەریتانیا کەرەنتینەیەکی بەهێزی راگەیاند

SNN

بۆریس جۆنسۆنی سەرۆکوەزیرانی بەریتانیا لە پەخشی راستەوخۆدا دووبارە کەرەنتینەی لە بەریتانیا راگەیەنادەو، کە وا پێویست دەکات سەرجەم هاووڵاتییان لە ماڵەکانی خۆیاندا بمیننەوە، چونکە کۆرۆنای گۆڕاو زۆر لە کۆرۆنای ئاسایی کاریگەری زیاترە.

جۆنسۆن وتی” پێویستە سەرجەم هاووڵاتییان لە ماڵەوەبن چونکە کەرەنتینەی سەرتاسەری لە وڵاتدا رادەگەیەینین تا کۆرۆنای گۆڕاو لەنێوماندا کەمدەبێتەوە، واتا حکومەت دووبارە دوا لە هاووڵاتییان دەکات کە بەهیچ جۆرێک لە ماڵەکانیان نەیەنە دەرەوە”.

جۆنسۆن لە درێژەی قسەکانیدا ئاماژەی بەوەکرد: وڵاتەکەیان بەدۆخێکی تەواو خراپدا تێپەڕدەبێت، ژمارەی تووشبووانی کۆرۆنای گۆڕاوە لە هەموو ناوچەکانی وڵاتدا بەخێرایی زیاد دەکات، بۆیە لەمڕۆ سێشەممەوە تەواوی زانکۆو خوێندگەو رەوزەکان و دانەگەو شوێنە گشتییەکان و ئەوانەی قەرەباڵغی دروستدەکەن دادەخرێت.

لەگەڵ ئەوەشدا چێشتخانەکان دووبارە دادەخرێنەوە تەنیا بە گەیاندن دەتوانن کاری خۆیان بکەن، لەگەڵ ساڵۆنەکان و هۆڵەکانی لەشجوانی و تەواوی ئەو شوێنانەی کە قەرەباڵغی دروست دەکات.