وەزارەتی ناوخۆ ئەو کەسانە دیاری دەکات کە مۆڵەتی هەڵگرتنی چەکیان دەبێت

0
534

وەزارەتی ناوخۆی عێراق رایگەیاند، پێویستە چەک تەنها لە دەستی دەوڵەتدا بمێنێتەوە، هاوکات ئەو کەسانەش دیاری دەکات کە مۆڵەتی هەڵگرتنی چەکیان دەبێت.

عەبد سەعید حەسەن، بەڕێوەبەری ناسنامە و مۆڵەتی چەک لە وەزارەتی ناوخۆی عێراق لە کۆنفرانسێکی رۆژنامەنوسیدا وتوویەتی: بە بڕیاری بەڕێوەبەرایەتییەکە ئەو کەسانە دیاریکراون کە مۆڵەتی هەڵگرتنی چەکیان هەیە، سەبارەت بە عەشیرەتەکانی عێراق، بە مەرجی ئەوەی لەلایەن بەرێوبەرایەتی گشتی سەرۆک عەشیرەتەکانەوە پشتگیرییان هەبێت رێگەیان پێدەدرێت چەک هەڵبگرن.

ئاماژەی بەوەشکردووە: هەرسێ سەرۆکایەتییەکەی عێراق و سەرۆک وەزیران و وەزیرەکان مۆڵەتی هەڵگرتنی چەکیان هەیە.

ئەوەشی خستووەتەڕوو: پلە تایبەتەکان بە مەرجێک بەرێوەبەری گشتی و بەرەو سەروو بن، مۆڵەتی هەڵگرتنی چەکیان دەبێت.

بە گوێرەی بڕیارەکە، سەرۆکی پەرلەمان و پەرلەمانتاران هەروەها دادوەران مۆڵەتی هەڵگرتنی چەکیان هەیە.

هەروەها فەرمانبەر، بە مەرجێک نووسراوی پشتگیریی فەرمانگەکەی پێبێت و بازرگان، بە مەرجێک نووسراوی پشتگیریی ژوورە بازرگانییەکانی پێبێت مۆڵەتیان پێدەدرێت.

ئەمە لەکاتێکدایە چەندین گروپی چەکداری لە عێراق دروستبوون کە بەهۆکاری بەشێک لە توندوتیژییەکانی عێراق دادەنرێن.

بەشی بکە لە
Previous Next
Close
Test Caption
Test Description goes like this