پێنجشەمە بڕیار لەسەر پرسی كردنەوەی خوێندنگەکان دەدرێت

0
576

SNNـ بڕیار محەمەد

رۆژی پێنجشەممە لیژنەی بەرەنگاربوونەوەی كۆرۆنا بریار لە كردنەوەی خوێندنگەکان دەدەن و بریاردەری لیژنەی پەروەردەش لە پەرلەمانی کوردستان دەڵێت ئێمەش پێشنیازی كردنەوەی قوتابخانەكانمان داوە بە وەزارەتی پەروەردە.
گەلاوێژ عوبێد، بڕیاردەری لیژنەی پەروەردە لە پەرلەمانی کوردستان بە SNNی راگەیاند: لە چەند مانگی رابردوو لە پێناو چارەنووسی قوتابیان و دەستپێكرنەوەی خوێندن لە قوتابخانەكان كە بەهۆی ڤایرۆسی كۆرۆنا و لە پێناو سەلامەتی قوتابیان و مامۆستایان بڕیاری داخستنی قوتابخانەكان درابوو، لە دواین كۆبوونەوەمان وەك لیژنەی پەروەردە و خوێندنی باڵا لە پەرلەمانی كوردستان لەگەڵ وەزیری پەروەردە پێشنیازمانكرد دەستپێكردنەوەی پرۆسەی خوێندن بە شێوەی نیمچە كراوە بێت بە جۆرێك كە بۆ خوێندکارانی پۆلی شەشی ئامادەیی جگە لە بۆنە نەتەوەی و ئاینیەكان هیچ پشوویەكیان نەبێت.
وتیشی: هەروەها بۆ خوێندکارانی پۆلەكانی دیكەش سێ رۆژ بە سێ رۆژ دەبێت هەڵبەت بڕیاری كۆتایش پاڵپشت دەبێت بە راپۆرتە پزیشكیەكان و بۆچوونی وەزارەتی تەندروستی لەوبارەوە.
لای خۆشیەوە سامان بەرزنجی وەزیری تەندروستی حکومەتی هەرێمی کوردستان بە SNNی ڕاگەیاند: ئێمە راپۆرتی خۆمان لە لیژنەی باڵای رووبەڕووبوونەوەی کۆرۆنا دەخەینە ڕوو، بۆیە هەموولایەک تەنها دوو ڕۆژی تر سەبریان هەبێت هەمووشتێک ڕوون دەبێتەوە.

بەشی بکە لە
Previous Next
Close
Test Caption
Test Description goes like this