له‌ گه‌رمیان رێژه‌ى لەدایکبوونی منداڵى كچ له‌ كور زیاتره

0
145

SNN- سیروان حه‌سه‌ن

له‌ ساڵى 2020 له‌ سنوورى گه‌رمیان سێ هه‌زار و 688 منداڵ له‌ دایكبوون و كه‌ زۆرینه‌یان له‌ ره‌گه‌زى مێن. به‌ پێى ئاماره‌كان زۆربه‌ى منداڵه‌كان به‌ حاڵه‌تى سروشتى له‌ دایكبوون.

دکتۆر به‌ناز خه‌لیل به‌ڕێوه‌به‌رى نه‌خۆشخانه‌ى شێره‌ى نه‌قیب بۆ ژنان و منداڵبوون له‌ كۆنگره‌یه‌كى رۆژنامه‌وانیدا رایگه‌یاند: له‌ ساڵى 2020 له‌ سنوورى گه‌رمیان سێ هه‌زار و 688 منداڵ له‌ دایكبوون كه‌ یه‌ك هه‌زار و 914 منداڵیان له‌ ره‌گه‌زى مێ بووه‌ و یه‌ك هه‌زار و 774 منداڵیش له‌ ره‌گه‌زى نێر.

وتیشى “ئه‌و منداڵانه‌ دوو هه‌زار و 433 كه‌سیان به‌ شێوازى سروشتى و 463 به‌ نه‌شته‌رگه‌رى سارد و 792 منداڵیان به‌ نه‌شته‌رگه‌رى ئیمێرجنسى خێرا له‌ دایكبوون. له‌ نێویاندا 29 حاڵه‌تى دوانه‌و سێ حاڵه‌تى سییانه‌ش هه‌بووه”‌.

د. به‌ناز خه‌لیل ئه‌وه‌شى خسته‌ڕوو، له‌ نه‌خۆشخانه‌كه‌یان سۆنار و چاره‌سه‌رى ده‌روونى و تاقیگه‌ى زۆر خزمه‌تگوزارى دیكه‌ به‌ خانمان ده‌كرێت و له‌ كاتى حاڵه‌تى منداڵبوون هه‌تا پێیان بكرێت هه‌وڵده‌ده‌ن دایكان به‌ شێوازى سروشتى منداڵیان ببێت، چونكه‌ به‌ پێى زانستى پزیشكى منداڵبوون به‌ نه‌شته‌رگه‌رى زیانى زۆرى بۆ خانمان هه‌یه‌.

بەشی بکە لە
Previous Next
Close
Test Caption
Test Description goes like this