بانکی نێودەوڵەتی زیاتر لە 33 ملیۆن دۆلار بۆ عێراق دەنێرێت

0
296
Sharifulin\TASS

بانکی نێودەوڵەتی بە بڕی 33 ملیۆن و 600 هەزار دۆلار قەرز بە عێراق دەبەخشێت و ئەو پارەیەش بۆ بەرەنگاربوونەوەی کۆرۆنا لە عێراق تەرخاندەکرێت.

ماڵپەڕی ریلیف وێبی نزیک لە نەتەوەیەکگرتووەکان بڵاویکردووەتەوە، ئەو بڕە پارەیە لە چوارچێوەی پڕۆژەیەکی بانکی نێودەوڵەتیدایە بۆ هاوکاریکردنی کەرتی تەندروستی چەند وڵاتێک، کە تا ئێستا 750 ملیۆن دۆلاریی بۆ دیاریکراوە.

ئەو بڕە پارەیەش بە دوو قۆناغ دەگەیەندرێتە عێراق، لە قۆناغی یەکەمدا حەوت ملیۆن و 800 هەزار دۆلاری بۆ رەوانەدەکرێت و دواتر لە کەرەستە و ئامێرە تەندروستییەکانی نەخۆشخانەکاندا خەرجدەکرێت.

لە قۆناغی دووەمیشدا 25 ملیۆن و 800 هەزار دۆلار بۆ وڵاتەکە رەوانە دەکات و ئەوەش لە راهێنان پێکردنی کارمەندانی تەندروستیدا خەرج دەکرێت بۆ ئەوەی بە شێوەیەکی کاریگەر رووبەرووی کۆرۆنا ببنەوە.

پێشتر بانکی نێودەوڵەتی رایگەیاندبوو: پێشبینی دەکرێت وڵاتانی هەژار و مامناوەند بەهۆی پەتای کۆرۆناوە زۆرترین زیانیان بەربکەوێت.

 

بەشی بکە لە
Previous Next
Close
Test Caption
Test Description goes like this