جوتیار عادل: وەزارەتی ناوخۆ و پێشمەرگە راسپێردراون بۆ بنەبڕکردنی قاچاخچێتی
SNN
جوتیار عادل وتەبێژی حکومەتی هەرێم رایگەیاند: دەمانەوێت داهاتی دەروازە سنوورییەکان رێکبخەینەوە و قاچاخچێتیش لە خاڵە سنوورییەکان بنەبڕ بکەن.
جوتیار عادل ئەمڕۆ لە کۆنفرانسێکی رۆژنامەوانیدا راشیگەیاند: دەیانەوێت لەگەڵ حکومەتی عێڕاق لەسەر پرۆژە یاسای بودجەی 2021، رێکبکەون و، دەشڵێت، “وەکو حکومەتی هەرێم ئامادەین هەموو مەرجەکانی ناو پرۆژەیاسای بودجە جیبەجێ بکەین”.
وتیشی: ئەوان لەسەرەتاوە ئامانجی سەرەكییان رێككەوتن بووە لەگەڵ حكومەتی عێراق، مەرجەكانیشی لەچوارچێوەی دەستور جێبەجێكردووە لەرادەستی نەوت و 50%ی خاڵە سنوورییەكان.
لەبارەی دەستپێکردنەوەی خوێندنەوە رایگەیاند: وەزارەتی پەروەردە دوو پڕۆژە لە کۆبوونەوەی باڵای رووبەڕووبوونەوەی کۆرۆنا پێشنیازدەکات کە 16 یان 17ی یەک ئەنجامدەدرێت، دواترئەنجومەنی وەزیران بڕیاری لەسەر دەدات.
لە بەشێکی دیکەی قسەکانیدا وتی:”به‌مزووانه له چوارچێوه‌ى ئاماده‌كارییه‌كانى دابه‌شكردنى مووچه‌دا وه‌زاره‌تى دارایی كاتى دابه‌شكردنى مووچه ئاشكرا ده‌كات”.لەبارەی راگرتنی مووچەی 10 هەزار مووچەخۆر لە چەند رۆژی رابردوودا وتی: “ئەم راگرتنە بەمەبەستی وردبینی لە مووچەکاندا کراوە تا ئەو کاتەی کە دڵنیادەبینەوە لەوەی کە ئەو کەسانە چەند مووچەیەکیان هەیە یاخود نا”.
پەرەپێدراوە و دروستکراوە