په‌رله‌مانى عێراق ده‌یه‌وێت شایسته‌ى كۆمه‌ڵایه‌تى سێ سه‌رۆكایه‌تییه‌كه‌ ببڕێت

0
169

SNN
ئه‌ندامێكى ئه‌نجوومه‌نى نوێنه‌رانى عێراق رایده‌گه‌یه‌نێت: ناكرێت گه‌ل له‌برسا بمرێت و سێ سه‌رۆكایه‌تییه‌كه‌ش به‌ شایسته‌ى كۆمه‌ڵایه‌تى خۆیان پاره‌دار بكه‌ن، په‌رله‌مانتارێكى تریش ده‌ڵێت: “ده‌ستبه‌ كۆكردنه‌وه‌ى واژوو ده‌كه‌ین بۆ بڕینى ئه‌و شایسته‌یه‌”.

موزه‌ر كوره‌وى، ئه‌ندامى ئه‌نجوومه‌نى نوێنه‌رانى عێراق رایگه‌یاند: “به‌شێكى زۆر له‌ ئه‌ندامانى ئه‌نجوومه‌نى نوێنه‌ران كۆكن له‌سه‌ر ئه‌وه‌ى كه‌ شایسته‌ى كۆمه‌ڵایه‌تى سێ سه‌رۆكایه‌تییه‌كه‌ى عێراق ببڕدرێت‌، به‌تایبه‌تى له‌م دۆخه‌ى ئێستادا كه‌ عێراق له‌ڕووى ئابوورییه‌وه‌ لاوازه‌ و پێویسته‌ خه‌رجییه‌ ناپێویستییه‌كانى حكومه‌ت كه‌مبكرێنه‌وه‌”.

وتیشى: “ده‌ستبه‌ كۆكردنه‌وه‌ى واژوو ده‌كه‌ین بۆ وه‌رگرتنه‌وه‌ى ئه‌و شایسته‌یه‌ له‌ سێ سه‌رۆكایه‌تییه‌كه‌ى عێراق و ئه‌م بابه‌ته‌ ده‌هێنینه‌ ئه‌نجوومه‌نى نوێنه‌ران بۆ ئه‌وه‌ى گفتوگۆى له‌سه‌ر بكرێت”.

هه‌ر له‌وباره‌یه‌وه‌ نه‌دا شاكر، ئه‌ندامى ئه‌نجوومه‌نى نوێنه‌رانى عێراق ئاماژه‌ى به‌وه‌كرد: “ئه‌و پاره‌یه‌ى بۆ شایسته‌ى كۆمه‌ڵایه‌تى سێ سه‌رۆكایه‌تییه‌كه‌ى عێراق ده‌ڕوات زۆره‌، من ئه‌پرسم ئه‌م مافه‌یان له‌كوێوه‌ هێناوه‌ كه‌ خه‌ڵكى هه‌ژار له‌برسا بمرێت و ئه‌وان ته‌نانه‌ت له‌دواى خانه‌نشینبوونیشیان ببنه‌ ملیۆنێر”.

ئه‌و په‌رله‌مانتاره‌ باس له‌وه‌شده‌كات: “نایه‌كسانییه‌ كه‌ ده‌ستكارى مووچه‌ى مووچه‌خۆرانى ئاسایی بكرێت، به‌ڵام له‌بیرمان بچێت كه‌ شایسته‌ى كۆمه‌ڵایه‌تى سێ سه‌رۆكایه‌تییه‌كه‌ هه‌یه‌ و نه‌زانین ئه‌و پاره‌یه‌ بۆ كوێ ده‌چێت و چۆن خه‌رجده‌كرێت”.

نه‌دا شاكر باس له‌ چۆنیه‌تى خه‌رجكردنى ئه‌و پاره‌یه‌ ده‌كات له‌دواى وه‌رگرتنه‌وه‌ى له‌ سێ سه‌رۆكایه‌تییه‌كه‌ى عێراق و ده‌ڵێت: “پاره‌كه‌ خه‌رجده‌كرێت بۆ كڕینى ده‌رمان و یارمه‌تیدانى مرۆیی ئه‌و كه‌سانه‌ى كه‌ پێویستیان پێیه‌تى”.

 

بەشی بکە لە
Previous Next
Close
Test Caption
Test Description goes like this