پاسپۆرتی عێراقی بە دووەم خراپترین پاسپۆرت لە جیهاندا دیاریکرا

0
115

SNN

بەگوێرەی ریزبەندییەک کە ناوەندی هێنلی بۆ دیاریکردنی ریزبەندی پاسپۆرتەکانی جیهان بڵاویکردووەتەوە، عێراق خاوەنی دووەم خراپترین پاسپۆرتە لە جیهاندا و تاکە وڵات کە پاسپۆرتەکەی لاوازتربێت ئەفغانستانە.

ناوەندی هێنلی لە ریزبەندییەکەدا ئەوەی خستووەتەڕوو، رۆژهەڵاتی ناوەڕاست بە گشتی پاسپۆرتەکانیان لاوازە و ژمارەی ئەو وڵاتانە کەمن کە دەتوانن بەبێ ڤیزا گەشتی بۆ بکەن.

دەشلێت، بەشێکی زۆر لە وڵاتانی رۆژهەڵاتی ناوەڕاست پاسپۆرتەکانیان کەوتووەتە ریزی خراپترینەکان و سوریا و عێراق و ئەفغانستانیش کۆتایی ئەو ریزبەندیەیان بەرکەوتووە.

دەشڵێت تەنیا دوو وڵات لە ناوچەکەدا لە ریزی پێشەوەی باشترین پاسپۆرتەکانی جیهاندان کە ئەوانیش تورکیا و ئیماراتە. ئێستا هاووڵاتیانی ئیمارات دەتوانن بە بێ ڤیزا گەشت بۆ 171 وڵات بکەن.

ئاماژەش بەوەکراوە، پاسپۆرتی وڵاتانی هەریەک لە جەزائیر، ئوردن، مەغریب و تونس بە چەند پلەیەک چووەتە بەشی سەرەوەی ریزبەندیەکە.

بەشی بکە لە
Previous Next
Close
Test Caption
Test Description goes like this