حکومەتی هەرێم: ساڵی 2020دا زیاتر لە 6 ترلیۆن و 500 ملیار دینار دراوە بە مووچە

0
750

SNN

فەرمانگەی میدیا و زانیاریی حکومەتی هەرێمی کوردستان لە راگەیەندراوێکدا دەڵێ لە ساڵی 2020، حکومەتی هەرێمی کوردستان هەشت مووچەی داوە کە بەشێکی لەلایەن حکومەتی هەرێمی کوردستان، بەشێکی دیکەشی لەلایەن حکومەتی فیدراڵییەوە دابینکراوە، کۆی گشتیی ئەو پارەیەش زیاتر لە شەش تریلیۆن و 500 ملیار دینارە.

ئەمڕۆ شەممە فەرمانگەی میدیا و زانیاری خشتەی دابەشکردنی مووچەی فەرمانبەرانی لەماوەی ساڵی 2020 بڵاوکردووەتەوە.

بەپێی خشتەکە، ئەو پارەیەی حکومەتی هەرێمی کوردستان بۆ پێدانی مووچە دابینی کردووە، 63.8٪ـە و ئەوەی حکومەتی عێراقیش 36.1٪ـی کۆی گشتیی مووچەی دابینکردووە.

حکومەت لە 13ـی 1، 9ـی 2، 9ـی 3، 4ـی 5، 27ـی 6، 18ـی 8، 15ـی 10 و 3ـی 12 مووچەی دابەشکردووە، واتا لە ساڵی 2020، هەشت مووچەی داوە، بەڵام مووچەی مانگەکانی: 4، 7، 9 و 11ـی دابەش نەکردووە.

فەرمانگەی میدیا و زانیاری، روونکردنەوەی داوە سەبارە بە بڕینی 11 ملیار و 880 ملیۆن دینار لە مانگەکانی: کانوونی دووەم، شوبات، ئازار و نیسان لەلایەن حکومەتی فیدراڵییەوە بۆ قەرزی بانکە ئەهلییەکان.

بەپێی خشتەکە: حکومەتی فیدراڵی بڕی 400 ملیار دیناری ناردووە، بۆ پێدانی دوو مووچە، بەڵام لە مانگەکانی (5-6-7-10-11-12) حکومەتی فیدراڵی هیچ بڕە پارەیەکی بۆ حکومەتی هەرێمی کوردستان نەناردووە.

بەگشتی بەپێی فەرمانگەی میدیا و زانیاریی حکومەتی هەرێمی کوردستان، حکومەت لە ساڵی 2020، شەش تریلیۆن و 505 ملیار و 988 ملیۆن و 307 هەزار و 176 دیناری عێراقی بۆ مووچەی فەرمانبەرانی تەرخانکردووە.

خشتەی مووچەی ساڵی 2020

بەشی بکە لە
Previous Next
Close
Test Caption
Test Description goes like this