وەزارەتی کۆچ: زیاتر لە 3 هەزار ئاوارە لە سنووری موسڵ گەڕێنرانەوە زێدی خۆیان

SNN
وەزارەتی کۆچ و کۆچبەران ئەمڕۆ شەممە رایگەیاند “لە کامپەکانی نزیک شاری موسڵ 3 هەزار و 261 ئاوارە لە کامپی سەلامییەوە بەشێوەیەکی زۆرەملێ گەڕێنراونەتەوە زێدی خۆیان”.

عەلی جیهانگیر بەڕێوەبەری گشتیی لە وەزارەتی کۆچی عێراق رایگەیاند “ئەو ئاوارانە 694 خێزان بوون کە 3261 کەس بوون، گەڕێنراونەتەوە بۆ ناوچەکانی خۆیان لە (بەعاج و رەبیعە و تەلەعفەر، تەل عەبتە و زوممار و ناحیەی قەیرەوان سەربە پارێزگای نەینەوا).

وتیشی: “وەک وەزارەت دەستیان داوەتە پلانێک کە لەڕووی ئەمنی و خزمەتگوزارییەوە ئاسانکاریی بۆ گێڕانەوەی ئاوارەکان بکرێت و کار بکرێت بۆ داخستنی هەموو کامپی ئاوارەکان لە نزیکترین کاتدا”.