زانێتی گەورەترین شکستی خۆی ئاشکرا دەکات

0
193
ئەدریانۆ و زانێتی

SNN Sport

خافێر زانێتی کاپتن و ئەستێرەی پێشووی یانەی ئینتەرمیلانی ئیتاڵی، گەورەترین شکستی خۆی ئاشکرا دەکات کە لە ماوەی رابردوو نەیتوانیوە ئەدریانۆی بەرازیلی لە دۆخێکی خراپی دەروونی رزگار بکات.

زانێتی دەڵێت:”هەمووان وتیان ئەدریانۆ تێکەڵەیەکە لە رۆناڵدۆی دیاردە و ئیبراهیمۆڤیچ،بەڵام بەهۆی مردنی باوکی، ئەو یاریزانە نەیتوانی بەسەر خەمۆکیدا زاڵ ببێت،وەک گروپێک هەرگیز نەمانتوانی ئەو لەو تونێلەکە دەربێنینە دەرەوە،ئەمە گەورەترین شکستم بوو،کاتێک نەمتوانی ئەو یاریزانە لەو دۆخە دەربهێنم”.

ئەدریانۆ هێرشبەری پێشووی هەڵبژاردەی بەرازیل،ئەو یەکێکبوو لە باشترین هێرشبەرەکانی جیهان و لەگەڵ بەرازیل و یانەکەی ناوبانگی هەبوو، هەفتانە 100هەزار یۆرۆ مووچەی وەردەگرت، ئێستا لە شەقامێکی هەژاردا لە شاری ریۆ دی جانێرۆی وڵاتەکەی دەژی.

ئەدریانۆ لە ساڵی 2006 بەهۆی کۆچی دوایی باوکی تووشی خەمۆکییەکی زۆر بوو، بەوهۆیەوە شوێنی خۆی لە پێکهاتەی سەرەکی لە ئینتەرمیلان و بەرازیل لە دەستدا.

ئەدریانۆ توانی کۆپا ئەمریکای 2004 و جامی کیشوەرەکانی 2005 لەگەڵ بەرازیل بباتەوەو توانیشی لەگەڵ سامپا بۆ چارەگی کۆتایی مۆندیالی 2006 سەربکەون.

 

بەشی بکە لە
Previous Next
Close
Test Caption
Test Description goes like this