سەدر داوادەکات پارەکانی مینبەری ئاڵتوونی بەسەر هەژاراندا دابەشبکرێت

SNN

موقتەدا سەدر، سەرکردەی رەوتی سەدر لە عێراق ئەمڕۆ شەممە رایگەیاند: وێنەی ئەو مینبەرە ئاڵتوونییەی کە لە تۆڕەکۆمەڵایەتییەکاندا بڵاوبۆتەوە پێویستە بفرۆشرێت و پارەکەی بەسەر هەژاراندا دابەشبکرێت.

سەدر لە درێژەی قسەکاندا دەڵێت: ئەنجامدانی ئەم کارە ناشرین و ناڕەوایە تاوانە، پێویستە بەزووترین کات ئەو ئاڵتوونە لابررێت و بفرۆشرێت و پارەکەی بەسەر هەژاراندا دابەشبکرێت.

ماوەی چەند رۆژێکە وێنەی میمبەرێکی ئاڵتوونی لە یەکێک لە حسێنییەکانی بەغدا بڵاوبووەتەوە، ئەمەش بۆتە هۆی توڕەکردنی هاووڵاتییانی عێراقی و ئاماژە بەوە دەکەن کە وڵات لەوپەڕی هەژاری و برسێتیدایە، هیچ ڕەوا نییە میمبەرێک بە ئاڵتوون بڕازێنرێتەوە.