“مه‌ترسى هه‌یه‌ پرۆژه‌یاساى بودجه‌ى 2021 ده‌رگاى هه‌ڕاجفرۆشكردنى موڵكه‌كانى عێراق بكاته‌وه‌”

0
240

SNN
دانانى بڕگه‌یه‌‌ك له‌ پرۆژه‌یاساى بودجه‌ى عێراق بۆ فرۆشتنى موڵكه‌كانى ده‌وڵه‌ت ده‌بێته‌ جێگه‌ى سه‌رنج، ئه‌ندامێكى ئه‌نجوومه‌نى نوێنه‌رانى عێراقیش ده‌ڵێت: “جێگیركردنى ئه‌و بڕگه‌یه‌ ده‌رگاى گه‌وره‌ترین گه‌نده‌ڵى ده‌كاته‌وه‌”.

پرۆژه‌یاساى بودجه‌ى 2021ى عێراق كه‌ له‌ ئێستادا له‌ په‌رله‌مانه‌ و خوێندنه‌وه‌ى یه‌كه‌مى بۆ كراوه‌، یه‌كێك له‌ مادده‌كانى بریتییه‌ له‌ “فرۆشتنى موڵكه‌كانى ده‌وڵه‌ت له‌ماوه‌ى كه‌متر له‌ شه‌ش مانگدا”.

سه‌عد خه‌زعه‌لى، ئه‌ندامى ئه‌نجوومه‌نى نوێنه‌رانى عێراق له‌ فراكسیۆنى سائیرون ئه‌مڕۆ یه‌كشه‌ممه‌ رایگه‌یاند: “ئه‌و بڕگه‌یه‌ى كه‌ له‌ پرۆژه‌یاساى بودجه‌دا هه‌یه‌ سه‌باره‌ت به‌ فرۆشتنى موڵكه‌كانى ده‌وڵه‌ت زۆر مه‌ترسیداره‌، چونكه‌ ده‌رگاى گه‌وره‌ترین گه‌نده‌ڵى ده‌كاته‌وه‌”.

وتیشى: “ئه‌م موڵكانه‌ى حكومه‌ت ملیۆنان دۆلار له‌سه‌رى كه‌وتوون، چه‌ندین ساڵى خایاندووه‌ بونیادنانیان و پاره‌یه‌كى زۆریان تێدا خه‌رجكراوه‌”.

ئه‌و ئه‌ندامه‌ى ئه‌نجوومه‌نى نوێنه‌رانى عێراق ئه‌وه‌شده‌خاته‌ڕوو: “یه‌كێك له‌ مه‌ترسییه‌كانى جێگیركردنى ئه‌م بڕگه‌یه‌ بریتیه‌ له‌وه‌ى كه‌ كه‌سانێكى چاوچنۆك ده‌توانن چاو ببڕنه‌ ئه‌م موڵكانه‌وه‌ له‌ڕێگه‌ى ئه‌م مادده‌یه‌وه‌ به‌پێى یاسا مامه‌ڵه‌یان پێوه‌بكه‌ن و هه‌ڕاجفرۆشیان بكه‌ن”.

 

بەشی بکە لە
Previous Next
Close
Test Caption
Test Description goes like this