نەوەی سێیەمی ڤایرۆسی کۆرۆنا لە ژاپۆن بڵاوبووەوە

0
564

SNN

لە وڵاتی ژاپۆن جۆرێکی نوێی ڤایرۆسی کۆرۆنا بڵاوبووەتەوە و وەزارەتی تەندروستی ئەو وڵاتەش دەڵێت لە بەرازیلەوە بۆ ژاپۆن گواستراوەتەوە.

رۆژنامەی جاپان تایمزی ژاپۆنی بڵاویکردەوە، وەزارەتی تەندروستی ژاپۆن لە راگەیەندراوێکدا ئەوەی خستووەتەڕوو، جۆرێکی نوێی ڤایرۆسی کۆرۆنای گۆڕاو گەیشتووەتە ژاپۆن کە لە بەرازیلەوە گواستراوەتەوە، تا ئێستا چوار کەس لە ژاپۆن تووشی بوون.

پەیمانگای نیشتمانی بۆ نەخۆشییە گواستراوەکان لە ژاپۆن NIID رایدەگەیەنێت: تا ئێستا هیچ بەڵگەیەک لەبەردەستدانین کە بیسەلمێنێت جۆرە نوێکەی کۆرۆنا بەشێوەیەکی خێرا دەگوازرێتەوە و ئێستا سەرنجی زانایانی ئەو وڵاتە لەسەر ئەوەیە ئایا نیشانەی قورسی دەبێت و بەرگری بەرامبەر ڤاکسینەکانی دژ بە کۆرۆنا چەند دەبێت.

وەزارەتی تەندروستی ژاپۆن ئەوەی خستووەتەڕوو، ئەو کەسانەی تووشی بوون یەکێکیان پیاوێکە لە 40ەکانی تەمەنیدایە، سەرەتا هیچ نیشانەیەکی نەبووە و دواتر تووشی تەنگەنەفەسی بووە و لە نەخۆشخانە داخڵکراوە، ژنێکی دیکەش کە لە 30یەکانی تەمەنیدایە تووشی بووە کە نیشانەی سەرئێشەی هەیە، دوو مێردمنداڵی کوڕ و کچیش تووشی نەخۆشیەکەبوون کە کوڕەکە تای لەگەڵدابووە و کچەکە هیچ نیشانەیەکی نییە.

ئەوەش بڵاوکراوەتەوە، ئەم جۆرە نوێیەی ڤایرۆسەکە بازدان لە جیناتی دروستبووە، سێ لەو کەسانەی کە تووشی بوون بەرکەوتنیان لەگەڵ کەسانێکدا هەبووە کە تووشی نەوەی دووەمی ڤایرۆسی کۆرۆنا بوون (ئەو ڤایرۆسەی کە لە بەریتانیا بڵاوبووەتەوە)

بەشی بکە لە
Previous Next
Close
Test Caption
Test Description goes like this