تا ئێستا زیاتر لە 30 هەزار کۆمپانیا لە هەرێم ناویان تۆمارکردووە

0
47

SNN

سەرۆکی یەكێتی هاوردە و هەناردەكارانی هەرێمی كوردستان رایگەیاند، بە تەنیا لە ساڵی رابردوودا، 813 کۆمپانیا لە هەرێمی کوردستاندا تۆمارکراون. دەشڵێت، بە کۆی گشتی لە هەرێمدا، تاوەکو ئێستا مۆڵەت بە 30 هەزار و 223 کۆمپانیا دراون.

مستەفا شێخ عەبدولرەحمان، سەرۆكی یەكێتی هاوردە و هەناردەكارانی هەرێمی كوردستان لە كۆنفراسێكی رۆژنامەنوسیدا رایگەیاند، لە ماوەی ساڵانی رابردوودا بەهۆی ئەو زەمینەی رەخساوە بۆ پەرەپیدانی بواری ئابوری 30 هەزار و 223 كۆمپانیای بیانی و ناوخۆیی لە هەرێمی كوردستان تۆماركراوە، كە سێ هەزار و 314 لەوانە بیانین و 26 هەزار و 906 ناوخۆیین.

ئاماژەی بەوەشكرد، سەرەڕای قەیرانی دارایی و سەرهەڵدانی كۆرۆنا توانراوە لە ساڵی رابردوودا، 813 كۆمپانیای ناوخۆیی تۆماربكرێت.

ئەوەشی خستەڕوو، لە پاریزگای هەولێر دوو هەزار و 469 كارگە مۆڵەتی كاركردنیان پێداراوە و لەوانەش 690 كارگە لە ئێستادا كاردەكەن و 779 كارگەش لەگەڕكەوتوون لە ساڵی 2020 هەلی كار بۆ هەشت هەزار 871 کەس رەخساوە.

باسی لەوەشکرد، لە ساڵی 2020 لە سلێمانی هەلی كار بۆ هەشت هەزار و 95 کەس رەخساوە و هەزار و 21 كارگە مۆڵەتی كاركردنیان پێدراوە و 555 لەوانە لە ئێستادا كاردەكەن و 466 دیكەش لە گەڕكەوتوون.

وتیشی، لە ساڵی 2020 لە دهۆك 361 مۆڵەتی كارگە دراوە و لەوانەش 216 كاردەكەن و 145 لەوانەش لەگەڕكەوتوون و حەوت هەزار و 347 هەلی كاریش لەو پارێزگایە رەخساون.

بەشی بکە لە
Previous Next
Close
Test Caption
Test Description goes like this