کۆتاى ئەم هەفتە شەپۆلێکى بەفر و باران روو لە ناوچە جیاجیاکانى هەرێمى کوردستان دەکات

0
226

SNN

بەڕێوەبەرى کەشناسى و بومەلەرزەزانى سلێمانى ئاشکراى دەکات “بە پێى پێشبینییەکان لە ناوەڕاستى ئەم مانگەدا کە دەکاتە کۆتاى هەفتە شەپۆلێکى بەفر و باران روو لە ناوچە جیاجیاکانى هەرێمى کوردستان دەکات کە شەپۆلەکە مامناوەندە و زۆر ناخایەنێت”.

ئاسۆ کەمال، بەڕێوەبەرى کەشناسى و بومەلەرزەزانى سلێمانى بە SNN راگەیاند: نزیکەى 25 رۆژە باران لە هەرێمى کوردستان و عێراق نەباریوە ئەوەش تەنیا هەر ناوچەى ئێمە نییە بەڵکو تورکیا و ئێران و سوریاش هەمان حاڵەتى تێدایە ئەوەش دەگەڕێتەوە بۆ هەبوونى بەرزە پاڵەپەستۆ لە ناوچەکەدا بەشێویەکى گشتى.

وتیشى “بەپێى پێشبینیەکان و بە هۆى کاریگەرى نزمە پاڵەپەستۆوە لە ناوەڕاستى ئەم مانگە و لە کۆتاى هەفتەدا شەپۆلێکى باران و بەفربارین ناوچەکانى هەرێمى کوردستان بگرێتەوە سەرەتاش لە پارێزگاى دهۆک و ناوچە شاخاویەکان دەستپێدەکات کە ئەو شەپۆلە مامناوەند دەبێت و زۆر بەردەوام نابێت بەڵام پاش ئەو شەپۆلە ناوبەناو باران بارینى کەم روو دەدات”.

هاوکات ئاماژەى بەوەش کرد”لەم ساڵدا و تاوەکو ئێستا بڕى 206ملیم باران باریوە کە پار ئەم کاتە بڕى 260ملیم باران باریبوو”.

بەشی بکە لە
Previous Next
Close
Test Caption
Test Description goes like this