مایک پۆمپیۆ: ئێران بووەتە بارەگای نوێی قاعیدە

0
660

SNN

وەزیری دەرەوەی ئەمریکا رایدەگەیەنێت “لە ئێستادا بارەگای نوێی رێکخراوی قاعیدە لە ئێرانە، دەشڵێت: “وڵاتەکەی کەسی دووەمی رێکخراوەکەی کووشتوووە کە ناوی محەمەد ئەلمیسری-یە”.

مایک پۆمپیۆ لە نوێترین لێدوانیدا ئێوارەی ئەمڕۆ سێشەممە وتی: “ئێستا بارەگای نوێی قاعیدە لە ئێرانە” و تاران تۆمەتبار کرد کە دەستی هەبووە لە هێرشەکانی 11ی سێپتەمبەر بۆ سەر دوو تاوەرە بازرگانییەکەی شاری نیویۆرک”.

وتیشی: “ئێران رێگەی دەریایی بۆ هامووشۆ کردنی ئەندامانی رێکخراوی قاعیدە کردووەتەوە و بۆ سێ دەیەش دەچێت تاران پەیوەندی تووندی لەگەڵ ئەو رێکخراوە هەیە”.

وەزیری دەرەوەی ئەمریکا ئاشکراشیکرد کە ویلایەتە یەکگرتووەکانی ئەمریکا توانیوێتی کەسی دووەمی رێکخراوی قاعیدە بکاتە ئامانج و لەناوی ببات کە تیرۆستێکی نێودەوڵەتی بووە و ناوی ئەبو محەمەد ەلمەسرییە.

جەختیشیکردەوە کە کۆماری ئیسلامیی ئێران دەستی هەبووە لە هێرشەکانی 11ی سێپتەمبەر بۆ سەر دوو تاوەرە بازرگانییەکەی شاری نیویۆرک لە ساڵی 2001دا.

وەزیری دەرەوەی ئەمریکا وتیشی: “وڵاتەکەی سزای دوو سەرکردەی دیاری قاعیدەی داوە کە ئێستا لەئێرانن و سێ سەرکردەی کوردی رێکخراوەکەش کە ئێستا لە سنووری نێوان عێراق و ئێرانان، سزا خراوەتە سەریان.

بەشی بکە لە
Previous Next
Close
Test Caption
Test Description goes like this