ته‌ندروستیى عێراق، دوو تاقیگه‌ى نوێ بۆ کۆرۆنای گۆڕاو ده‌كاته‌وه
تاقیگە
SNN
وه‌زاره‌تی ته‌ندروستی عێراق، چوارشه‌ممه 13ی کانوونی دووەم، رایگه‌یاند: له‌چه‌ند رۆژی داهاتوودا دوو تاقیگه‌ی تایبه‌ت بۆ ناسینه‌وه‌ی ڤایرۆسه نوێیه‌كه‌ی كۆرۆنا ته‌رخانده‌كه‌ن، له‌رێگه‌ی ئه‌و تاقیگانه‌وه گۆڕانكاریه بۆماوه‌یی و جیناته‌كان ده‌ناسرێنه‌وه.
سه‌یف به‌در وته‌بێژی وه‌زاره‌تی ته‌ندروستی بە یاستی “العراقیە”ی رایگه‌یاند:” له ماوه‌ی چه‌ند ڕۆژێكدا به‌شێوه‌یه‌كی سه‌ره‌تایی دوو تاقیگه‌ی ته‌ندروستی ده‌كه‌نه‌وه، كه سه‌ر به تاقیگه‌ی ته‌ندروستی فیدراڵی ده‌بن و له‌چوارچێوه‌ی تاقیگه‌كانی فێركاری سه‌ر به فه‌رمانگه‌ی ته‌ندروستی شاری پزیشكی له به‌غدا ده‌بن، به‌مه‌به‌ستی ناسینه‌وه‌ی گۆڕانكاریه بۆماوه‌یی و جیناته‌كانی ڤایرۆسی نوێی كۆرۆنا ئه‌وه‌ش به‌هه‌ماهه‌نگی له‌گه‌ڵ رێكخراوی ته‌ندروستی جیهانی ده‌بێت”.
ئاماژه‌ى به‌وه‌شكرد “به مۆدێرنكردنی تاقیگه‌كان له به‌غدا و پارێزگاكان په‌یڕه‌و ده‌كرێت، بۆ دۆزینه‌وه‌ی ڤایرۆسه نوێیه‌كه‌ی كۆرۆنا، له‌رێگه‌ی تاقیگه‌كانه‌وه ده‌توانرێت گۆڕانكاریه‌كانی بۆماوه‌یی و جیناته‌كان بناسرێنه‌وه”.
به‌در وتیشى ” پرۆتۆكۆلی چاره‌سه‌ریی بۆ كۆرۆنا و ڤایرۆسه گۆڕاوه‌كه‌ش یه‌ك چاره‌سه‌ره، به‌ڵام تاكه هه‌نگاو بۆ به‌رگریگرتن له بڵاوبونه‌وه‌ی هه‌ردوو جۆره‌كه ته‌نها خۆپارێزیه، هه‌روه‌ها تاوه‌كو ئێستا ڤایرۆسه نوێه‌كه له عێراقدا تۆمار نه‌كراوه “.
پەرەپێدراوە و دروستکراوە