بە فەرمی بەختیار رەحمانی بووە یاریزانی یانەی داڵکورد

SNN Sport

بەختیار رەحمانی یاریزانی کوردی رۆژهەڵاتی کوردستان کە پێشتر یاری بۆ هەڵبژاردەی ئێران و یانە گەورەکانی وەکوو ئیستقلال، فولاد، زوب ئەهن ، سپاهان و پەیکان کردووە، پەیوەندی بە یانەی داڵکوردی  کوردی لە وڵاتی سوید کرد.

گرێبەستی رەحمانی تەمەن 29 ساڵ لەگەڵ یانەی داڵکورد بۆ وەرزێکە و  ئەم یاریزانە لە خولی یانە پلە یەکەکانی ئەو وڵاتە بەشدار دەبێت.

لە لێدوانێکیدا بەختیار رەحمانی کە لە پێگەکانی خۆی لە تۆڕە کۆمەڵایەتییەکان بڵاویکردووەتەوە دەڵێت:” سەرەڕای ئەوەی لە یانەیەکی باشدابووم،بەڵام داڵکوردم هەڵبژاردووە ئەمەش لەبەر دڵی خۆم و هاندەران،بیرۆکەیەکی گەورەم لە مێشکدایە و ئاواتێکی شیرینم هەیە،دەبێت سوپاسی بەرپرسانی ئەو یانەیە بکەم کە هەموو هەوڵی خۆیان بۆ گواستنەوەی من نیشاندا”.

دەشڵێت:” دەزانم بڕیارێکی قورسم داوە، بەڵام بە هیوام بتوانم داهاتوویەکی روون و پڕ لە سەرکەوتن بۆ یانەکەم بە دەست بهێنم”.