ڤیدیۆ:بەرشەلۆنە بە لێدانەکانی سزای یەکلاکەرەوە سەرکەوت بۆ یاری کۆتایی

بەرشەلۆنە
SNN Sport
لە قۆناغی پێش کۆتایی جامی سوپەری ئیسپانیا، یانەی بەرشەلۆنە توانی پلیتی یاری کۆتایی بە دەستبهێنێت و 3-2 بە لێدانەکانی سزای یەکلاکەرەوە لە یانەی ریاڵ سۆسیدادی بردەوە.
یاریەکە لە یاریگای ئەرکانخێل ئەنجامدرا، سەرەتا دی یۆنگی هۆڵەندی لە خولەکی 39 یانەی بەرشەلۆنەی بە گۆڵێک پێشخست و گێمی یەکەم 1-0 بە سوودی یانە کەتەلۆنیەکە تەواو بوو.
لە گێمی دووەم یانەی ریاڵ سۆسیداد لە لایەن یاریزان، ئۆیارزاباڵ ئەنجامەکەی بە لێدانی سزا یەکسانکردەوەو 90 خولەک یاریەکە 1-1 تەواو بوو.
دواتر ناوبژیوانی یاریەکە بۆ دیاریکردنی یانەی پاڵەوان یاریەکەی گەیاندە کاتی زیادکراو، لە 30 خولەکی ئەو دوو گێمەدا هەردوو یانە لە گۆڵکردن سەرکەوتوو نەبوون و 120 خولەک 1-1 تەواو بوو.
دواتر یاریەکە برایە لێدانەکانی سزای یەکلاکەرەوەو تێیدا یانەی بەرشەلۆنە توانی 3-2 بردنەوە تۆماربکات و بۆ یاری کۆتایی سەرکەوت، چاوەروانی براوەی یاری ئاتلەتیک بیلباو و ریاڵ مەدرید دەکات لە یاری کۆتایی کە ئەمڕۆ لە کاتژمێر11:00 ئەنجام دەدرێت.
لە بەرشەلۆنە هەریەکە لە دی یۆنگ و گریزمان لێدانی سزایان لە دەستداو لە ریاڵ سۆسیداد باوتیستا و ئۆیارزابال و ویلیان خۆسیە نەیانتوانی گۆڵ بکەن.
لەگەڵمانبە
هەواڵی زیاتر
زۆرترین بینراو
-
هۆکاری كوشتنی پۆلیسهكهی كهركوك ئاشکرابوو
2020-05-27
ئەرشیف
دەربارەی ئێمە
ئەرکمان پێدانی هەواڵی ڕاست و دروستە دەربارەی هەرێمی کوردستان و عێراق و ناوچەکە بە گشتی، لە ڕێگەی ستانداردەکانمانەوە هەوڵ بۆ باشترینەکان دەدەین.
ئەگەر لەبیرت کرد
وەرزش
-
دیارترین ئەو 5 یاریزانەی مایەپوچبوون
2020-05-26 -
مباپی بڕیارە چاوەڕوان نەکراوەکەی دا
2020-05-17