بە فەرمی یانەی دهۆک دوورخستنەوەی سلێمان رەمەزانی راگەیاند

SNN Sport

ئێوارەی ئەمڕۆ پاش شکستی یانەی دهۆک بە یانەی زاخۆ لە خولی نایابی کوردستان، سلێمان رەمەزان، راهێنەری یانەی دهۆک دەستلەکارکێشانەوەی پێشکەشی یانەکەی کردوو ئەوانیش بە داواکەی رازی بوون.

یانەی دهۆک لە پێگەی خۆی لە بەیاننامەیەکدا رایگەیاندووە:”پاش یاری ئەمڕۆ بەرامبەر بە یانەی زاخۆ لە خولی نایابی کوردستان،راهێنەری یانەکە سلێمان رەمەزان دەستلەکارکێشانەوەی پێشکەشی یانەکە کرد، کارگێڕی یانەکەش بە داواکەی رازی بوو”.

یانەکە رایگەیاندووە کە ئاشتی مستەفا لە شوێنەکەی دانراوە بۆ یارییەکانی خولی نایابی کوردستان و پلە یەکی عێراق.

لە کۆتایدا کارگێڕی یانەی دهۆک سوپاسی  راهێنەر سلێمان رەمەزانی کردووە، کە لەو ماوەیە راهێنەری یانەکە بووە،هیوای سەرکەوتنی بۆ دەخوازێت لە کاروانی وەرزشی خۆیدا.

یانەی دهۆک لە 6 یاری خولی نایابی کوردستان 7 خاڵی کۆکردووەتەوەو  3 یاری دۆڕاوە و 5 گۆڵی لێکراوەو  1 یاری یەکسانبووە.

یانەی دهۆک ئەمڕۆ 1-0 لە یاریگای خۆی بە یانەی زاخۆ دۆڕا، کە یاریەکە لە رکابەرییەکانی هەفتەی شەشەم بوو.