ئه‌مریكا ژماره‌ى سه‌ربازه‌كانى له‌ عێراق كه‌مده‌كاته‌وه‌

0
113
سه‌ربازانى سوپاى ئه‌مریكا له‌ ئه‌فغانستان | فۆتۆ: Jalil Rezayee/EPA

SNN
وه‌زیرى له‌جێگه‌دانراوى به‌رگری ئه‌مریكا رایده‌گه‌یه‌نێت: ژماره‌ى سه‌ربازه‌كانمان له‌ عێراق و ئه‌فغانستان بۆ 2 هه‌زار و 500 سه‌رباز كه‌مده‌كه‌ینه‌وه‌، ده‌شڵێت: “تواناى سه‌ربازى سوپاى عێراق به‌رزبووه‌ته‌وه‌”.

ئه‌مڕۆ شه‌ممه‌ كریستۆفه‌ر میله‌ر، وه‌زیرى له‌جێگه‌دانراوى به‌رگری ئه‌مریكا رایگه‌یاند: “بڕیارمانداوه‌ رێژه‌ى سه‌ربازه‌كانمان له‌ عێراق و ئه‌ففانستان كه‌مبكه‌ینه‌وه‌ بۆ 2 هه‌زار و 500 سه‌رباز، به‌پێى ئه‌و بڕیاره‌ى كه‌ سه‌رۆك تره‌مپ داى له‌ 17ى تشرینى دووه‌مى 2020 “.

وتیشى: “كه‌مكردنه‌وه‌ى هێزه‌كانمان له‌ عێراق به‌واتاى ئه‌وه‌ نایه‌ت كه‌ ئێمه‌ ده‌مانه‌وێت له‌ عێراق بكشێینه‌وه‌، به‌ڵكو به‌ واتاى به‌رزبوونه‌وه‌ى تواناى سه‌ربازى سوپاى عێراق دێت، كه‌ چیتر پێویستى به‌ مانه‌وه‌ى ئه‌و هێزانه‌ نییه‌ كه‌ ده‌یانكشێنینه‌وه‌”.

ئه‌وه‌شى خسته‌ڕوو: “ئه‌م بابه‌ته‌ به‌ واتاى گۆڕانكارى له‌ سیاسه‌تى ئێمه‌دا نایه‌ت، چونكه‌ به‌شێكى هێزه‌كه‌مان لێره‌ ده‌مێنێته‌وه‌، هێشتاش پێمانوایه‌ كه‌ داعش مه‌ترسییه‌ له‌ عێراق هه‌تاوه‌كو ئه‌و رێكخراوه‌ش جێگه‌ى مه‌ترسى بێت مانه‌وه‌ى ئه‌مریكا له‌ عێراق گرنگى خۆى ده‌بێت، به‌رده‌وامیش ده‌بین له‌ هاوكاریكردنى هاوپه‌یمانه‌كانمان له‌و وڵاته‌”.

قسه‌كانى وه‌زیرى له‌جێگه‌دانراوى به‌رگری ئه‌مریكا پاش ئه‌وه‌ دێت كه‌ له‌ ماوه‌ى رابردوودا مسته‌فا كازمى، سه‌رۆكوه‌زیرانى عێراق رایگه‌یاند: “هێزه‌كانى ئه‌مریكا له‌ عێراق ده‌كشێنه‌وه‌”.

هاوكات فالح فه‌یاز، سه‌رۆكى ده‌سته‌ى حه‌شدى شه‌عبى كه‌ ئێستا له‌ لیستى ڕه‌شى ئه‌مریكادایه‌ و سزادراوه‌ رایگه‌یاند: “باشترین كار كه‌ بۆ عێراق بكرێته‌ ئه‌وه‌یه‌ پرۆژه‌یاساى ده‌ركردنى هێزه‌ بیانییه‌كان په‌سه‌ند بكرێت، چونكه‌ ئه‌و هێزانه‌ بوونه‌ته‌ بار بۆ هه‌رێمه‌ كوردستان”.

بەشی بکە لە
Previous Next
Close
Test Caption
Test Description goes like this