بزوتنەوەی تاڵیبان ژنهێنانی دووەم قەدەغە دەکات

0
250

SNN

رۆژنامەی دەیلی مەیل-ی بەریتانی لە راپۆرتێکیدا ئاماژە بەوە دەکات، بزووتنەوەى تاڵیبان فەرمانى بە سەرکردەکانى کردووە کە تەنها یەک هاوسەریان هەبێت و نەیکەن بە دوو و سێ و چوار، چونکە بووەتە هۆى دروستبوونی ناڕەزایەتى لای چەکدارەکانى بزووتنەوەکە.

هەیبەتوڵا ئاخوندزادە، سەرکردەى بزوتنەوەى تاڵیبانى ئەفغانستان فەرمانێکى دەرکردووە بۆ سەرکردەکانى ڕیزى پێشەوەى بزوتنەوەکە و تێیدا هاتووە، ڕێنمایى دەدەینە بەرپرسانى ئیمارەتى ئیسلامى، بەپێى شەریعەتى ئیسلامى دوربکەونەوە لە هاوسەرگیرى دووەم و سێیەم و چوارەم، ئەگەر پێویست نەبوو.

هۆکاری ئەم بڕیارەی هەیبەتوڵا ئاخوندزادە دوای ئەوەدێت دەنگۆى ئەوە لەناو چەکدارەکانى تاڵیباندا بڵاوبووەتەوە کە بەرپرسانى پێشەوەى بزوتنەوەکە ژیانێکى شاهانەیان هەیە و پارەیەکى زۆر لە ژنە نوێیەکانیان لەلایەن قەتەر و پاکستانەوە بۆ خەرج دەکەن.

هەیبەتوڵا ئاخوندزادە کە سەرکردەی بزووتنەوەی تاڵیبانە خودی خۆی دوو ژنی هەیەو، یەکێکی دیکە لە سەرکردەکانی ئەو بزوتنەوەیە کە لە دەوحەی پایتەختی قەتەرە 3ژنی هەیە ئەمە جگە لە پارەو پلەو پۆست، چەند راپۆرتێکی پێشتریش ئاماژە بە چەندین دۆسیەی گەندەڵی دەکەن لەسەر سەرکردەکانی ئەو بزوتنەوەیە.

بەشی بکە لە
Previous Next
Close
Test Caption
Test Description goes like this