ماندزۆکیچ هەنگاوێک لە ئەیسی میلان دوورە

0
177
ماریۆ ماندزۆکیچ

SNN Sport

ماریۆ ماندزۆکیچی کرواتی و هێرشبەری پێشووتری یانەی یۆڤانتۆس ، هەنگاوێک لە یانەی ئەیسی میلانەوە دوورە و چاوەڕوان دەکرێت لە کاتژمێرەکانی داهاتوو درێسی یانەکەی شاری میلانۆ بپۆشێت.

رۆژنامەنووسی ناسراوی ئیتاڵی دیمارزیۆ لە کەناڵی سکای سپۆرت ئیتاڵیا بڵاویکردووەتەوە، گفتوگۆی نێوان ماندزۆکیچ و میلان بەرەوپێشچوونی باشی بە خۆیەوە بینیوە ، بریکاری ئەم یاریزانە چاوەڕوانی رەزامەندی کۆتایی ئیدارەی ئەیسی میلانە،ئەمەش بۆ واژووکردنی گرێبەستەکە بۆ ماوەی 6 مانگی داهاتوو لەگەڵ نوێکردنەوە بۆ ساڵێكی تر لە هاوینی داهاتوو.

ماندزۆکیچ لە ئێستادا لە زەگریبی کرواتیایە و لە رووی جەستەییەوە ئامادەیە و دەیەوێت لەگەڵ ئەیسی میلان دەست بە کارەکانی بکات بۆ یاریکردن.

بە پێی زانیاری رۆژنامە ئیتاڵییەکان، ئەم یاریزانە بڕی 1.5 ملیۆن یۆرۆی لە ماوەی 6 مانگی یاریکردن پێدەدرێت، گواستنەوەی ئەم یاریزانە لە پێناو زیاتر بەهێزکرنی ریزەکانی میلانە لە هێڵی پێشەوە هاوشانی زەلاتان ئیبراهیمۆڤیچ.

ماندزۆکیچی تەمەن 34 ساڵ لە ساڵی 2019 یانەی یۆڤانتۆسی بەرەو دحێلی قەتەری جێهێشت، ئەو یاریزانە توانیبووی لە 162 یاری 44 گۆڵ لە هەموو پاڵەوانێتییەکان بۆ خانمەپیرەکە بکات.

میلان ئەم وەرزە بە دۆخێکی باش تێدەپەڕێت و  لە 17 یاری سیرا ئای 40 خاڵی کۆکردووەتەوەو پێشەنگی خولەکەی داگیرکردووە.

بەشی بکە لە
Previous Next
Close
Test Caption
Test Description goes like this