لیژنەی قەیرانەکانی عێراق داوای داخستنی سنوورەکانی عێراق دەکات

0
186

SNN

جەواد موسەوی، بڕیاردەری لیژنەی قەیرانەکان ئەمڕۆ یەکشەممە، بە ئاژانسی فەرمیی هەواڵی عێراق واع-ی راگەیاند: ژمارەی تووشبوو و مردووانی کۆرۆنا لە عێراق لە دابەزیندایە، بەڵام داوای داخستنی دەروازە سنوورییە زەمینییەکانی عێراق دەکەین.

موسەوی وتیشی “رێکارەکانی وەزارەتی تەندروستیی عێراق بۆ رێگرتن لە بڵاوبوونەوەی جۆرە نوێیەکەی کۆرۆنا زۆر باشن، بەڵام داوامان لە حکومەتی عێراق کردووە دەروازە سنوورییە زەمینییەکانی بەڕووی وڵاتانی دراوسێ بۆ ماوەی 14 رۆژ دابخات، بۆ ئەوەی جۆرە نوێیەکەی کۆرۆنا نەگاتە عێراق”.

نیگەرانیی خۆشی لە پابەندنەبوونی هاووڵاتیان بە رێکارە خۆپارێزییەکان دەربڕی و رایگەیاند، تا ئێستا هاووڵاتیان کۆ دەبنەوە و رێکارە تەندروستییەکان جێبەجێ ناکەن.

بەشی بکە لە
Previous Next
Close
Test Caption
Test Description goes like this