زیاتر لە 46 دۆسیەی گەندەڵی وەزارەتی کارەبا دراوەتە دادگاکان

0
118

SNN

جێگری یەکەمی سەرۆکی پەرلەمانی عێراق دەڵێت: “46 دۆسیەی گەندەڵی لە گرێبەستەکانی کارەبادا ئاشکرا بوون و رەوانەی دادگا تایبەتمەندەکان کراون”.

حەسەن کەعبی ئەمڕۆ پێنجشەممە رایگەیاند “لیژنەی تایبەتمەند لە ئەنجوومەنی نوێنەرانی عێراق 56 دۆسیەی گەندەڵی پێگەیشتووە کە 46یان بەهەدەردانی پارە و گەندەڵین لە گرێبەست و رێککەوتنە ساختەکانی وەزارەتی کارەبادا”.

وتیشی: “شەن و کەوی دۆسیەکان دەکرێت و بەئاستی گەورەیی و بچووکیی فایلەکانی گەندەڵی رەوانەی دادگا دەکرێن بۆ لێکۆڵینەوە لە بەهەدەردانی هەموو ئەو پارە و سامانەی دەوڵەت”.

جێگری سەرۆکی پەرلەمانی عێراق راشیگەیاند، لە 2005وە تاوەکو 2019، کۆی گشتیی قەبارەی خەرجی وەزارەتی کارەبا، 96 ترلیۆن و 621 ملیار و 901 ملیۆن و 499 هەزار بووە، کە دەکاتە نزیکەی 81 ملیار دۆلار.

بەشی بکە لە
Previous Next
Close
Test Caption
Test Description goes like this