كچێكى ئێزدى پاش 7 ساڵ له‌ رفاندنى له‌ده‌ستى داعش رزگاركرا

0
358

SNN
ئه‌مڕۆ پێنجشه‌ممه‌ كچێكى ئێزدى پاش حه‌وت ساڵ له‌ رفاندنى له‌لایه‌ن داعشه‌وه‌ رزگار كرا و ده‌گه‌ڕێنرێته‌وه‌ هه‌رێمى كوردستان.

چیرۆكى رفاندنى نه‌جلا سه‌عید ئیسماعیل له‌ ساڵى 2014 ده‌ستپێده‌كات كاتێك كه‌ له‌لایه‌ن چه‌كدارانى داعشه‌وه‌ پاش هێرشكردنه‌ سه‌ر شنگال، هاوشێوه‌ى چه‌ندین كچى تر له‌ گوندى تل قه‌سه‌ب ده‌بێته‌ كه‌نیزه‌ى ده‌ستى داعش، دواتر له‌ شنگاله‌وه‌ ده‌گوێزرێته‌وه‌ بۆ سوریا.

نه‌جلا پاش رووخاندنى داعش له‌گه‌ڵ پاشماوه‌ى خێزانى چه‌كدارانى داعش له‌ كه‌مپى هۆل له‌ ڕۆژئاواى كوردستان له‌ شارى حه‌سه‌كه‌ ده‌گیرسێته‌وه‌.

ئه‌مڕۆ پاش حه‌وت ساڵ له‌ دووركه‌وتنه‌وه‌ له‌ خێزان و كه‌سوكاره‌كه‌ى و بێسه‌روشوێنبوونى نه‌جلا به‌ هه‌وڵى رێكخراوه‌كانى مافى مرۆڤ توانى كه‌سوكارى بدۆزێته‌وه‌ و گه‌ڕێنرایه‌وه‌ لاى خێزانه‌كه‌ى، بڕیاره‌ به‌مزووانه‌ بگاته‌وه‌ هه‌رێمى كوردستان.

 

 

بەشی بکە لە
Previous Next
Close
Test Caption
Test Description goes like this