ئه‌مریكا 20 ملیۆن دۆلار بۆ پاراستنى ئاسایشى ناوچه‌ى سه‌وز ته‌رخانده‌كات

0
127

SNN
ویلایه‌ته‌ یه‌كگرتووه‌كانى ئه‌مریكا بڕى 20 ملیۆن دۆلار ته‌رخانده‌كات بۆ پاراستنى ناوچه‌ى سه‌وز له‌ به‌غدا، تیمێكى ئه‌ندازیارى شارستانیش پێكده‌هێنێت بۆ نۆژه‌نكردنه‌وه‌ى ده‌رگاكانى ناوچه‌كه‌.

ئه‌مڕۆ شه‌ممه‌ باڵیۆزخانه‌ى ئه‌مریكا له‌ به‌غدا له‌ به‌یاننامه‌یه‌كدا رایگه‌یاند، “حكومه‌تى ئه‌مریكا به‌ بڕى 20 ملیۆن دۆلار هاوكارى هێزه‌ ئه‌منییه‌كانى ناوچه‌ى سه‌وز ده‌كات به‌ مه‌به‌ستى پێداچوونه‌وه‌ به‌پلانى ئه‌منى ناوچه‌كه‌ و دووباره‌ رێكخستنه‌وه‌ى”.

له‌ به‌یاننامه‌كه‌دا ئه‌وه‌شهاتووه‌، “باڵیۆزخانه‌ى ئه‌مریكا له‌ڕێگه‌ى تیمێك له‌ ئه‌ندازیارانى شارستانییه‌وه‌ رووپێوییه‌ك ده‌كات بۆ ده‌رگاكانى ناوچه‌ى سه‌وز و ئه‌و ناوچانه‌ى كه‌ ده‌كرێت له‌ڕووى ئه‌ندازیارییه‌وه‌ وه‌ك كه‌لێنى ئه‌منى به‌كاربهێنرێن، دواتر تیمه‌كه‌ سه‌رجه‌م ده‌رگاكان نۆژه‌نده‌كه‌نه‌وه‌ و ئه‌گه‌ر پێویستبكات ده‌رگاى نوێ دروستده‌كه‌ن”.

باڵیۆزخانه‌ى ئه‌مریكا ئه‌وه‌شى ئاشكرا كردووه‌، “به‌رپرسى به‌شى به‌رگریی له باڵیۆزخانه‌ى ئه‌مریكا سه‌رپه‌رشتى پرۆسه‌كه‌ ده‌كات و په‌یوه‌ندى راسته‌وخۆى له‌گه‌ڵ تیمه‌ ئه‌ندازیارییه‌كه‌ ده‌بێت و راپۆرتى كۆتایی ده‌ده‌نه‌وه‌ به‌ فه‌رمانده‌ مه‌هدى زوهێرى، به‌رپرسى ئاسایشى ناوچه‌ى سه‌وز”.

پلانه‌كه‌ى باڵیۆزخانه‌ى ئه‌مریكا بۆ پێداچوونه‌وه‌ به‌ پلانى پاراستنى ئاسایشى ناوچه‌ى سه‌وز پاش ئه‌و دوو ته‌قینه‌وه‌یه‌ دێت كه‌ رۆژى پێنجشه‌ممه‌ له‌ ناوچه‌ى ته‌یه‌ران له‌ به‌غدا روویاندا بووه‌ هۆكارى گیان له‌ده‌ستدانى 32 كه‌س و برینداربوونى 110 كه‌س.

 

بەشی بکە لە
Previous Next
Close
Test Caption
Test Description goes like this