“شێخه‌كه‌ى كه‌ركوك له‌لایه‌ن ئامۆزاكانییه‌وه‌ كوژراوه‌”

0
393
قه‌ڵاى كه‌ركوك له‌ ناوه‌ندى پارێزگاى كه‌ركوك | فۆتۆ: عیماد جه‌بارى \ SNN

SNN
دوێنێ شه‌و سێشه‌ممه‌ له‌ یه‌كێك له‌ ناحیه‌كانى كه‌ركوك شێخێك به‌ ده‌ستڕێژى گولله‌ كوژرا، به‌ڕێوه‌به‌رى پۆلیسى ئه‌و پارێزگایه‌ش ده‌ڵێت: “به‌پێى وته‌ى براكانى، ئامۆزاكانى خۆى كوشتوویانه‌”.

ئه‌مڕۆ چوارشه‌ممه‌ لیوا عه‌لى كه‌مال، به‌ڕێوه‌به‌رى پۆلیسى كه‌ركوك رایگه‌یاند: “پاش ئه‌وه‌ى شه‌وى رابردوو له‌ ناحیه‌ى ته‌ركه‌لان، چه‌ند كه‌سێك ته‌قه‌یان له‌ شێخ جه‌مال خه‌لیل ئیبراهیمى ته‌مه‌ن 55 ساڵان كرد گیانى له‌ده‌ستدا”.

وتیشى: “تۆمه‌تباره‌كان ئۆتۆمبێلێكى جۆرى (پیك ئاپ تۆیۆتا)یان پێبووه‌ له‌ڕێگه‌ى فڕۆكه‌خانه‌ له‌ نزیك به‌ڕێوه‌به‌رایه‌تى راهێنانى كه‌ركوك ته‌قه‌یان له‌ قوربانییه‌كه‌ كردووه‌”.

به‌ڕێوه‌به‌رى پۆلیسى كه‌ركوك له‌باره‌ى تۆمه‌تبارانى رووداوه‌كه‌ ئه‌وه‌شى خستووته‌ڕوو: “قوربانییه‌كه‌ پێش روودانى رووداوه‌كه‌ براكانى ئاگادار كردووه‌ته‌وه‌ و به‌گوێره‌ى وته‌ى براكانى، ئامۆزاكانى خۆیان ئه‌و كاره‌یان ئه‌نجامداوه‌”.

لیوا عه‌لى كه‌مال ئاشكراشیده‌كات: “سێ كه‌س به‌ تۆمه‌تى تێوه‌گلان له‌ تاوانه‌كه‌ ده‌ستگیر كراون”.

بەشی بکە لە
Previous Next
Close
Test Caption
Test Description goes like this