ئێران: ئیسرائیل سەرەڕۆیی بکات لە دژمان تەلئەبیب و حەیفا تەخت دەکەین

0
331

SNN

وتەبێژی هێزەکانی سوپای ئێران دەڵێت: “بەڵێن دەدەین پایتەختی ئیسرائیل و حەیفا لەگەڵ زەوی تەخت بکەین گەر ئیسرائیل هەر هەڵەیەک بکات بەرامبەرمان”.

لیوا ئەبو فەزڵ شەکارچی رایگەیاندووە “هەڕەشەکانی ئیسرائیل هەمووی جەنگی دەروونین، گەر راستیش بکەن، ئەوە وەهمێکە کە هەرگیز سەر ناگرێت”.

راشیگەیاند “هێزەکانی سوپای ئێران تەلئەبیبی پایتەخت و حەیفای ئیسرائیل لەسەر نەخشە دەسڕنەوە گەر بوێریی ئەوە بنوێنن هێرش بکەنە سەر دامەزراوە ئەتۆمییەکانی ئێران”.

ئەوەشی خستەڕوو “سوپای ئیسرائیل سوپایەکی ترسنۆکە، ئەوان ناتوانن خۆیان لەبەر حیزبوڵای لوبنان و بزوتنەوەکانی فەڵەستیندا رابگرن”.

ئەم قسانەی شکارچی دوای لێدوانێکی ئەفیف کوخانی سەرۆکی ئەرکانی سوپای ئیسرائیل هات کە دوێنێ رایگەیاند “وڵاتەکەی لە ناو هاوپەیمانێتییەکی بەهێزدایە لەگەڵ چەند وڵاتێکی عەرەبی بۆ رووبەڕووبوونەوەی ئێران”.

بەشی بکە لە
Previous Next
Close
Test Caption
Test Description goes like this