“قورسه‌ هه‌رێم بتوانێت جارێكى تر هه‌نارده‌كردنى نه‌وت كه‌مبكاته‌وه‌”

0
362

SNN
ئه‌ندامێكى لیژنه‌ى وزه‌ و سامانه‌ سروشتییه‌كان له‌ په‌رله‌مانى كوردستان رایده‌گه‌یه‌نێت: هه‌رێمى كوردستان ناتوانێت دووباره‌ ده‌ستبۆ كه‌مكردنه‌وه‌ى هه‌نارده‌كردنى نه‌وت ببات، ده‌شڵێت: “له‌ رابردوودا هه‌رێمى كوردستان به‌ڕێژه‌ى 25% هه‌نارده‌كردنى نه‌وتى كه‌مكردووه‌ته‌وه‌”.

ئه‌مڕۆ پێنجشه‌ممه‌ پێشه‌وا هه‌ورامانى، ئه‌ندامى لیژنه‌ى وزه‌ و سامانه‌ سروشتییه‌كان له‌ په‌رله‌مانى كوردستان به‌ میدیاكانى عێراقى راگه‌یاند: “كارێكى قورسه‌ هه‌رێمى كوردستان بتوانێت هه‌نارده‌كردنى نه‌وت جارێكى تر كه‌مبكاته‌وه‌، له‌ چوارچێوه‌ى رێككه‌وتنه‌كانى رێكخراوى ئۆپیك كه‌ عێراق به‌شێكه‌ لێى”.

وتیشى: “هه‌رێمى كوردستان له‌ ماوه‌ى رابردوودا به‌ته‌واوه‌تى پابه‌ندبووه‌ به‌ بڕیاره‌كه‌ى ئۆپیك بۆ كه‌مكردنه‌وه‌ى هه‌نارده‌كردن و خستنه‌بازاڕى نه‌وت له‌ چوارچێوه‌ى عێراقدا، به‌شێوه‌یه‌ك رێژه‌ى هه‌نارده‌كردنى به‌ڕێژه‌ى 25% كه‌مكردووه‌ته‌وه‌، رێژه‌ى هه‌نارده‌ى نه‌وتى هه‌رێم له‌ رۆژێكدا 600 هه‌زار به‌رمیل نه‌وته‌ له‌ دۆخێكى ئاسایدا، به‌ڵام له‌ ئێستادا ئه‌م رێژه‌یه‌ كه‌مبووه‌ته‌وه‌ بۆ 420 هه‌زار به‌رمیل نه‌وتى رۆژانه‌”.

ئه‌و ئه‌ندامه‌ى لیژنه‌ى وزه‌ و سامانه‌ سروشتییه‌كان ئاماژه‌ به‌وه‌ده‌شده‌كات: “قه‌یرانى دارایی كاریگه‌رى زۆرى له‌سه‌ر دۆخى هه‌رێمى كوردستان دروستكردووه‌، له‌لایه‌كى تریشه‌وه‌ كێشه‌ى دابینكردنى پاره‌ى مووچه‌ى مووچه‌خۆران هه‌یه‌، ئه‌مه‌ له‌كاتێكدایه‌ كه‌ پێویسته‌ به‌غدا له‌م بابه‌ته‌دا هاوكارى هه‌رێم بكات، چونكه‌ كه‌مكردنه‌وه‌ پێویسته‌ له‌به‌غداوه‌ بێت، ئه‌وان رێژه‌ى هه‌نارده‌ى خۆیان كه‌مكردووه‌ته‌وه‌”.

 

بەشی بکە لە
Previous Next
Close
Test Caption
Test Description goes like this