“بەشێکی شیعەکان لە هەوڵی رازیکردنی لایەنەکانی دیکەدان سەبارەت بە پشکی کورد”

0
312

SNN

ئەندامێکی لیژنەی دارایی لە پەرلەمانی عێراق رایدەگەیەنێت: بەشێک لە لایەنە شیعەکان رازین بەو پشکەی کورد کە لە بودجەدا دیاریکراوە و وتووشیانە لە هەوڵدان لەوبارەیەوە لایەنەکانی دیکە قەناعەت پێبهێنن.

جەمال کۆچەر بە SNNی راگەیاند: “تا ئێستا رێککەوتنی کۆتایی لەنێوان هەرێم و بەغدا نەکراوە”.

وتیشی: شیعەکان بوونەتە دوو بەرە، بەرەیەکیان رازین بەوەی لە رەشنوسەکەدا هاتووە، بەڵام بەشێکی دیکە داوایانکردووە هەرێم هەموو نەوتەکەی رادەستبکات”.

هەروەها روونیکردەوە: “شیعەکان داوایانکردووە دەرفەتیان پێبدرێت کە لەگەڵ لایەنەکانی دیکەی شیعە کۆببنەوە بۆ ئەوەی قایلیان بکەن بە پشکی کورد کە لە رەشنووسی بودجە دیاریکراوە”.

دەشڵێت: “بڕیارە رۆژی شەممەی داهاتوو لایەنە شیعەکان وەڵاممان بدەنەوە لەبارەی ئەنجامی کۆبوونەوەکانیان.

لە رەشنووسی بودجەی ساڵی 2021ـی عێراقدا پشکی هەرێمی کوردستان رێژەی 12.67%ـی بودجە پێکدەهێنێت، بەڵام دەبێت رۆژانە داهاتی 250 هەزار بەرمیل نەوت و نیوەی داهاتی فیدراڵیه‌کان ته‌سلیم بکات.

 

بەشی بکە لە
Previous Next
Close
Test Caption
Test Description goes like this