وەزیری دەرەوەی تورکیا و هاوتا ئێرانییەکەی کۆبوونەوە

0
201

SNN

وەزیری دەرەوەی تورکیا، مەولود چاوشئۆغڵو و هاوتا ئێرانییەکەی، محەمەد جەواد زەریف لە شاری ئیستانبوڵ کۆبوونەوە و دواتر کۆنگرەیەکی رۆژنامەوانییان ساز کرد.

سەرلەبەیانی ئەمڕۆ هەینی محەمەد جەواد زەریف وەزیری دەرەوەی ئێران بەسەردانێک گەیشتە تورکیا و لەکۆنگرەیەکی رۆژنامەوانی لەگەڵ مه‌ولود چاوش ئۆغلۆ وه‌زیرى ده‌ره‌وه‌ى توركیا رایگه‌یاند: پەیوەندییەکانی نێوان ئێران و تورکیا گرنگن و بەرژەوەندی بۆ گەلی هەردوولا تێدایە.

زەریف، ئەوەی ئاشکرا کرد کە لە ئایندەیەکی نزیکدا کۆبوونەوەی وەزیرانی دەرەوەی ئێران-تورکیا-ئازەربایجان سازدەکەن و رایگەیاند: “هەماهەنگییەکانی تورکیا و ئێران لە ناوچەی قەفقاس سوودێکی زۆری بۆ وڵاتانی ناوچەکە دەبێت”.

ئاژانسی هەواڵی ئانادۆڵ بڵاویکردووەتەوە “وەزیری دەرەوەی ئێران، باسی لەوەشکردووە کە لە میانەی ئەو پلاتفۆڕمەی سەرۆککۆماری تورکیا-ئازەربایجان-رووسیا رایانگەیاندوە، ئەم سەردانانەیان بۆ پێنج وڵات دەستپێکردووە و وتی: “ئەم سەردانانەم بە راوێژ کردن لەگەڵ دۆستانم لە تورکیا دەستپێکرد، زۆر دڵخۆشیشم کە دوای کۆتایی هاتنی سەردانەکان لە ئێستادا لە تورکیام”.

زەریف، ئەوەشی وەبیرهێنایەوە کە ئەنقەرە و تاران بەردەوام لە سەختترین دۆخەکاندا پەیوەندییان لەگەڵ یەک هەبووە و رایگەیاند: “بوارەکانی هەماهەنگی نێوان تورکیا و ئێران زۆر فراوانن، ئەگەر ئەمریکا هەڵوێستی لۆجیکیانەتر بگرێتەبەر ئەوا پەیوەندییەکانمان قوڵتر دەکەینەوە”.

هاوکات مه‌ولود چاوش ئۆغلۆ وه‌زیرى ده‌ره‌وه‌ى توركیا رایگەیاند: ئێمه‌ به‌تایبه‌تى ئێران و ئه‌مریكا و ئه‌وروپا، له‌سه‌ره‌تاوه‌ له‌گه‌ڵ ڕێككه‌وتننامه‌ى ئه‌تۆمى بووین و هاوكاریمانده‌كرد، به‌ڵام به‌داخه‌وه‌ له‌سه‌رده‌مى تره‌مپدا پابه‌ندییه‌كان كه‌مبوونه‌وه‌.

وەزیری دەرەوەی تورکیا وتیشی: “باسی دۆخی مرۆیی سوریامان کردووە، هه‌روه‌ها بڕیاره‌ زەریف لەگەڵ سەرۆککۆمارى توركیا کۆ ببێتەوە”.

 

بەشی بکە لە
Previous Next
Close
Test Caption
Test Description goes like this