“وه‌زیرى دارایی عێراق هێنده‌ بێئاگایه‌ نازانێت ژماره‌ى راسته‌قینه‌ى فه‌رمانبه‌ران چه‌نده‌”

0
346

SNN

ئه‌ندامێكى لیژنه‌ى دارایی له‌ ئه‌نجوومه‌نى نوێنه‌رانى عێراق رایده‌گه‌یه‌نێت: وه‌زیرى دارایی تا ئێستاش ژماره‌ى فه‌رمانبه‌رانى راسته‌قینه‌ى عێراق نازانێت، ده‌شڵێت: “سه‌رجه‌م ئه‌و ژمارانه‌ى له‌ پرۆژه‌یاساى بودجه‌دا هاتوون راسته‌قینه‌ نیین”.

ئه‌مڕۆ شه‌ممه‌ ناجى سه‌عیدى، ئه‌ندامى لیژنه‌ى دارایی له‌ ئه‌نجوومه‌نى نوێنه‌رانى عێراق رایگه‌یاند: “لێبڕینى مووچه‌ى فه‌رمانبه‌ران به‌هیچ شێوه‌یه‌ك له‌ بودجه‌دا جێگه‌ى ناكرێته‌وه‌، چونكه‌ كۆمه‌ڵێكى تر خه‌رجى زیاده‌ له‌نێو پرۆژه‌یاساى بودجه‌دا هه‌یه‌ كه‌ به‌ كه‌مكردنه‌وه‌یان ده‌كرێت داهاتى وڵات زیاتر بكرێت”.

وتیشى: “سه‌رجه‌م ئه‌و ژمارانه‌ى كه‌ له‌ پرۆژه‌یاساى بودجه‌دا هاتوون راسته‌قینه‌ نین، بۆ نمونه‌ بودجه‌ى به‌كاربردن و ژماره‌ى فه‌رمانبه‌ران”.

له‌ به‌شێكى ترى قسه‌كانیدا ئه‌و ئه‌ندامه‌ى لیژنه‌ى دارایی له‌ ئه‌نجوومه‌نى نوێنه‌رانى عێراق باس له‌وه‌شده‌كات: “وه‌زیرى دارایی عێراق وه‌زیرێكه‌ كه‌ ئاستى سفره‌، چونكه‌ له‌ ساده‌ترینش شته‌وه‌ كه‌ ژماره‌ى فه‌رمانبه‌رانى عێراق نایزانێت”.

ناجى سه‌عیدى باس له‌وه‌شده‌كات: “ئێمه‌ پرۆژه‌یاساى بودجه‌مان دووباره‌ نووسییه‌وه‌، بۆمان ده‌ركه‌وت 34 ترلیۆن دینار زیاده‌ى تێدایه‌، له‌به‌ر ئه‌وه‌ ئه‌مه‌ نیشانه‌ى ئه‌وه‌یه‌ كه‌ پرۆژه‌یاساى بودجه‌ له‌سه‌ر بنه‌ماى ژماره‌ى راست و دروست بونیاد نه‌نراون”.

 

بەشی بکە لە
Previous Next
Close
Test Caption
Test Description goes like this