عێراق و ئێران له كێڵگه‌یه‌كى نه‌وتى هاوبه‌شدا ده‌ستبه وه‌به‌رهێنان ده‌كه‌ن
كرێكارێك له‌نێو كێڵگه‌یه‌كى نه‌وتیدا | فۆتۆ: Essam Al-Sudani / Reuters
SNN
به‌ڕێوه‌به‌رى جێبه‌جێكارى كۆمپانیاى “ئه‌ویك”ى ئێران رایگه‌یاند: له كێڵگه‌ى نه‌وتى “ئازار” كه هاوبه‌شه له‌نێوان عێراق و ئێران ده‌ستیان به كاركردن كردووه، ده‌شڵێت: “رۆژانه 65 هه‌زار به‌رمیل نه‌وت به‌رهه‌مى ده‌بێت”.
ئه‌مڕۆ شه‌ممه غوڵامڕه‌زا مه‌نوچه‌هرى، به‌ڕێوه‌به‌رى جێبه‌جێكارى كۆمپانیاى “ئه‌ویك” تایبه‌ت به وه‌به‌رهێنانى نه‌وتى له ئێران رایگه‌یاند: “ده‌ستمانكردووه به وه‌به‌رهێنان له كێڵگه‌ى نه‌وتى ئازار كه ده‌كه‌وێته باشوورى ئێران و هاوبه‌شه له‌گه‌ڵ عێراق، تواناى به‌رهه‌مهێنانى رۆژانه 65 هه‌زار به‌رمیل نه‌وت و 60 ملیۆن پێ سێجا غازى سروشتى هه‌یه و له ڕێگه‌ى دوو بۆرییه‌وه به درێژاى 350 كم ره‌وانه‌ى ده‌ره‌وه ده‌كرێت”.
وتیشى: “97%ى سه‌رجه‌م كاره‌كانى كێڵگه‌كه ته‌واوبوون، به زووترین كات كێڵگه‌كه ده‌ستبه‌كار ده‌بێت”.
به‌ڕێوه‌به‌رى جێبه‌جێكارى كۆمپانیاى “ئه‌ویك” له‌باره‌ى داهاتى كێڵگه‌كه‌وه ئاشكرایده‌كات: “له توانایدا هه‌یه له ماوه‌ى 20 ساڵدا داهاتى بگه‌یه‌نرێته 15 ملیار دۆلار، ئه‌مه سه‌ره‌ڕاى قازانجكردن له به‌رهه‌مى پترۆكیمیاییه‌كه‌ى به رێژه‌ى 500 ملیۆن دۆلار”.
پەرەپێدراوە و دروستکراوە