عوسمان دیمبلی گەڕایەوە

0
462
عوسمان دیمبلی

SNN Sport

ئەمڕۆ چوارشەممە عوسمان دیمبلی فەرەنسی و یاریزانی لاوی یانەی بەرشەلۆنە، گەڕایەوە بۆ شاری وەرزشی یانەکەی، ئەمەش پاش ئەو پێکانە قورسەی لە ماوەی رابردوو پێش قەیرانی ڤایرۆسی کۆرۆنا تووشی هاتبوو.

 

دیمبلی بەهۆی پێکانێکی قورسەوە یانەکەی دوورکەوتنەوەی تا کۆتایی ئەم وەرزە راگەیاندبوو، بەڵام بەهۆی دواخستنی خولی یانە پاڵەوانەکان بۆ مانگی ئاب پێشبینی دەکرێت یاری بکات.

 

رۆژنامەنووسی ئیسپانی ئەلفریدۆ مارتینیز بڵاویکردووەتەوە، دیمبلی دەتوانێت لە قۆناغەکانی کۆتایی خولی یانە پاڵەوانەکانی ئەوروپا بەشداری بکات، ئەگەر یانەکەی توانی سەربکەوێت.

 

هەروەها پێشتر یانەی بەرشەلۆنە لە ماڵەکەی خۆیدا پشکنینی ڤایرۆسی کۆرۆنای بۆ دیمبلی ئەنجامدابوو، بە سەرکەوتوویی پشکنینەکانی تێپەڕاندبوو.

 

چاوەڕوان دەکرێت یارییەکانی ئەم وەرزەی خولی یانە پاڵەوانەکان لە سەرەتای مانگی ئاب دەستپێبکاتەوە، یانەی بەرشەلۆنە یاری چوونی قۆناغی شانزەی خولی یانە پاڵەوانەکانی ئەوروپای بەرامبەر بە یانەی ناپۆلی ئەنجامداوەو یاریەکە 1-1 تەواو بووە، یاری گەڕانەوە لە کامپ نۆ ئەنجام دەدرێت و تا ئێستا بەفەرمی کاتی ئەنجامدانی دیاری نەکراوە.

https://snnc.co/ku/6222

بەشی بکە لە
Previous Next
Close
Test Caption
Test Description goes like this