ئێران دانوستانی نوێ لەبارەی پرسی ناوەکی رەتدەکاتەوە

0
308

SNN

وەزارەتی دەرەوەی ئێران رایگەیاند، هەر دانوستانێکی نوێ سەبارەت بە رێککەوتنی ناوەکی لەگەڵ ئێران و وڵاتانی زلهێز رەتدەکەنەوە.
دوای ئەوەی ئیمانوێل ماکرۆن سەرۆکی فەرەنسا رایگەیاند: “وا باشە هەر دانوستانێک لەبارەی رێککەوتنی ناوەکی ئێران هەبێت لە داهاتوودا، سعوودیە تیایدا بەشداربێت”، وتەبێژی وەزارەتی دەرەوەی ئێران وتی، دانوستان و گۆڕانکاریکردن لە رێککەوتنەکە رەتدەکەنەوە.
سەعید خەتیبزادە، وتەبێژی وەزارەتی دەرەوەی ئێران لە لێدوانێکیدا بۆ میدیای وڵاتەکەی وتی: “رێککەوتنی ناوەکی بەگوێرەی یاسای ژمارە 2231 لە ئەنجومەنی ئاسایشی نێودەوڵەتی ئەنجامدراوە کە مامەی سازشکردن نییە و رێککەوتنەکە بە روونی باسکراوە و ناتوانرێت گۆڕانکاری تێدا بکرێت”.
ئەمە لەکاتێکدایە جۆو بایدن، لە پلانیدایە وڵاتەکەی بگەڕێنێتەوە بۆ رێککەوتنی ناوەکی لەگەل ئێران دوای ئەوەی ئیدارەی ترەمپ لێی کشایەوە.

 

بەشی بکە لە
Previous Next
Close
Test Caption
Test Description goes like this